Kyntu ka COMSO ia baroh ki Political Party ban ia tylli kawei ban dawa ia ka ILP

Shillong, Nohprah 12: U bah Robertjune Kharjahrin Chairman ka COMSO, u kyntu ia baroh ki seng sain pyrthei ba kin weng ia ka jingiasngewpher jingmut jong ki bad kin ia wan lang ha kawei ka thong ba dawa ia ka Inner Lime Permit ha ka jylla, lane wat la ki dei ban don ia ka dorbar ba kyrpang ruh ban ia thir ia kane ka kam ba ki paidbah kin shai.

Haba kren ha ki lad pathai khubor u la ong ba lada ka sorkar pdeng ka lah ban ai ia ka ILP ha ka jylla Manipur kan eh aiu lada ka ai ruh ia ka jylla Meghalaya, lada ong ba ka Meghalaya kala don ia ka Sixth Schedule, u la ong ba ka jylla Mizoram ka don lai tylli ki District Council hynrei ka dang ioh ia ka ILP, kan eh aiu ia ka jylla Meghalaya ruh ban ioh ia ka ILP.

Na ka liang jong ka COMSO kan sa phah da ka jingthoh sha u President jong ka Ri India ban kyntu ia u ba um dei ban ai ia ka jingmynjur jong ha kaba ia dei bad ka CAB, 2019 kaba la pdiang da baroh ar tylli ki iing dorbar jong ka Ri India ka, Lok Sabha bad ka Rajya Sabha namar kane ka Bill ka long pyrshah ia ka Riti Synshar jong ka Ri katkum ka riti synsahr kaba 14 bad kaba 25.

U Chairman jong ka COMSO, u la iathuh ba naduh ba sdang ki pyrshah ia ka CAB, kim kwah ban iohi ba ka CAB kan trei kam ha kane ka jylla Meghalay. La iathuh ba ha ka jingleit jong ki sha Delhi ruh la phah ia ka dorkhas sha u myntri kam poh iing ka Ri India da kaba ia soilang da baroh, ka sorkar, ki seng bhalang ba ki pyrshah ia ka CAB.

Kaei kaba ka sorkar pdeng kala leh mynta ka long ba ia ka CAB la pynlait tang ha ki jaka ba hap hapoh jong ka Sixth Schedule katba ki jaka ki bym hap hapoh jong ka Sixth Schedule ka CAB kan trei kam ia kane kin mym lah ban pdiang lada pynlait ia ka jylla Meghalaya dei ban pynlait ia barohkwei ka jylla ym shiteng shiliang.

Na ka liang jong ka COMSO kala pynpaw biang ba lada u President jong ka Ri India u soi ia kane Bill ban pynlong ain na ka liang jong ka COMSO kan leit sha Suprem Court ban ujor pyrshah ia kane ka Bill.

Ka jingdawa jong ka COMSO ia ka ILP, kata ka ILP ba ki dawa ka dei ban long na ka Eastern Bengal Frontier Regulation 1873, kam dei ban wan nawei nawei. La ong ba la shai ka sngi kum ka kynhun kan lum paidbah ha Motphran ha ka por 12.00 baje shiteng sngi ban leit sha iing jong u Lat ba dawa ba dei ban pyntrei kam noh ia ka ILP ha kane ka jylla Meghalaya bad ki pyrshah ia ka CAB.

La kyntu ia ka sorkar Meghalaya ba ka dei ban dawa ia ka ILP, haba ia dei bad ka jingpyrshah ia ka CAB kam pat kut. Haba ia dei bad ka jingkren jong u Dr Mukul Sangma nongialam ka liang pyrshah, u Chairman ka COMSO u la ong ba u Dr Mukul u dei u ba pyrshah ia ka ILP.

U la ong ba ka Kong Wansuk Syiem MP jong Rajya Sabha kala dawa ia ka ILP hapoh ka iing dorbar, u MLA ka Congress u bah Process T Sawkmie u dawa ILP, kano ka jingkren na ka party Congress ka long kaba dei, kane ka party ka dei ka party ba klumar jingmut, la ong u bah Roberjune.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet