Kyntu ka CoMSO ia u Lat ka jylla ba un ai noh ia ka jingmynjur ia ka MRSS Ordinance

Shillong, Naiwieng 16:  Ka CoMSO mynta ka sngi kala shong jingialang kyrkih ha dien ba la ioh jingtip ba ka sorkar pdeng kan wan rah biang ia ka Citizenship Amendment Bills ha kane ka sien shong dorbar tlang jong ka Parliament bad na ka liang jong ka ComSO bad ka North East Forum Ingenious people (NEFIP) ka pyrshah ia kane.

U bah Robertjune Kharjahrin, u la ong ba ka jingdon ki Bangladesh mynta kila bun bha ha kane ka thain shatei lam mih ngi jong ka Ri India bad ha ka Ri India hi baroh kawei. Lada shah ia ki rit paid na Bangladesh lyngba ka CAB kan long ka jingma ia ka thain shatei lam mih ngi jong ka Ri India.

U Bah Robert u la ong ba ha kine ki snem kiba la dep u myntri rangbah ka jylla u la tur bha ban pyrshah ia ka CAB, hynrei mynta kim shym la iohi ia ka jingpyrshah jur kumba u la leh. Ka CoMSO ka khmih lynti ba u myntri rangbah yn leh biang kum juh ban pyrshah ia ka CAB.

Haba ia dei bad ka MRSS Act, na ka liang jong ka CoMSO kala pynpaw ia ka jingsngewnguh ia ka sorkar kaba la pynrung ia ki kyndon jong ka ILP ha katei ka ain, hynrei mynta kim pat lah ban ong ei ei namar ba mynta ka dang don ha ka kti jong u Lat.

Wat la kila ong ba ki kyndon ka ILP kila rung hynrei kin dang ap haduh ban da iohi da ka jingthoh. Na ka liang jong ka CoMSO wat la kim pat ioh ia ka jingthoh hynrei ki sngewthuh ba ki kyndon jong ka ILP bad na ka liang jong ka CoMSO ka kyntu ia u lat ka jylla ba un ai noh ia ka jingmynjur ka jong u ha kaba ia dei bad ka Ordinance.

U Bah Robert u la ong ba ka jingioh shnong ki briew kiba na bar kan nym pynkiew ia ka kam shangkai pyrthei, hynrei kilap pynban ia ki jaboh jabain. Hynrei ka iap ka im jong ka jaidbynriew ka long kaba kongsan.

What Next?

Recent Articles

Leave a Reply

Submit Comment

*