kyntu ka Federation of Khasi States ia ki Hima ban lum ia la ki Dorbar ryngkat u khun u hajar

Shillong, Jymmang 08: kyntu ka Federation of Khasi States ia ki Hima ban lum ia la ki Dorbar Hima ha ryngkat u khun u hajar ban ia kren halor ki jingsahteng ki kyndon iateh Instrument of Accession bad Annexed Agreement (IOA & AA) 17 August 1948,

Ka jingialang ki Hima Khasi hapoh ka synjuk Federation of Khasi States ka la long ha ka 7 tarik May 2019 ha Shillong, hapoh ka jingpyniaid u Bah John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep, & Spokesperson, Federation of Khasi States, ha kaba la rai ban kyntu ia ki Hima ban lum ia la ki Dorbar Hima ha ryngkat u khun u hajar ban ia kren halor ki jingsahteng ki kyndon iateh Instrument of Accession bad Annexed Agreement (IOA & AA) 17 August 1948, khnang ban ioh jingshai halor ki jingeh kiba ia kynduh haduh kine ki sngi, wat hadien ki jingthoh kiba bun bah kiba la phah sha ki bor Sorkar India, Sorkar Jylla Meghalaya bad Sorkar KHADC.

Ha katei ka jingialang la kyntu ia ki rangbah jong ka Federation of Khasi States ban pynbeit ia ka tarik ban wan sha ki Dorbar Hima ban pynshai halor ka jingiaid lynti haduh kine ki sngi bad ban ia syllok halor ka jingthmu ki bor KHADC ban iathir iatai bad iakren halor ki san tylli ki kyndon IOA & AA kiba dang pynsah teng da ka Sorkar India haduh kine ki sngi bad ki kyndon para 3 ka Sixth Schedule.

Ha katei ka jingialang na ka liang u Bah John F Kharshiing, Chairman, Ka Dorbar Ki Khlieh Nongsynshar ka Ri Hynniewtrep, bad Spokesperson, Federation of Khasi States, u la pyntip hakhmat ki Khlieh Nongsynshar halor ka jingshah thung kum uwei na ki dkhot ka Advisory Committee on Legislation and Legal Issues, ka Khasi Hills Autonomous District Council, (KHADC), bad ha kaba ka la long ka sien nyngkong ka ban sah kynmaw ba la thung ia ka Committee KHADC, da u Bah PN Syiem, Chairman, KHADC, ha kaba la shim ia ka rai ban buh Agenda IOA & AA ha ka ban yn bishar ia katei ki san kyndon jong katei ka dulir bad ha ka juh ka por ban bishar ia ki kyndon bor ka para 3(lai) jong ka Sixth Schedule, bad u la pan jingmut na ki Khlieh Nongsynshar halor katei ka phang.

Hadien ka jingiatai kaba jrong ka jingialang ka la pynsngew kumno ki kyndon ka dulir Instrument of Accession bad Annexed Agreement 17 August 1948 kin ia mir ne iadei jingmut bad ki kyndon lane nongrim jong ka Sixth Schedule kaba dei kaba hapoh ka Sorkar jylla bad kaba la sain nongrim ha kaba ki nongmihkhmat ki mih na ka bynta ki seng sain pyrthei bad kaba ai hok lang ia kiwei ki jaidbynriew riewlum bad nong ri thor ym tang na ka bynta ki Khasi jong ki Hima Khasi States, shuh shuh ka kyndon 5 jong ka IOA & AA ka kdew shai ba ka Ri India kan hap don ka jingiadei kaba kyrpang bad ki Khlieh Nongsynshar bad ki Hima Khasi States ha ka kyrdan kaba kham pher ha ka kaba ki ain Sorkar India ne Sorkar Jylla kin long katkum ki rukom im hapoh ki Khasi States ym kumba long mynta ba ki Ain Ri India ne Sorkar Jylla ki lynshop beit ia ki hok ki Hima Khasi States lyngba ka Sixth Schedule.

Kumta, ki la pynpaw ruh ka jingsngew ba la donkam ban shai la ki bor KHADC ki mut ban pyndonkam ia ki kyndon IOA & AA na ka bynta ban pynkhraw ia ka Sixth Schedule kaba dei ka bynta kaba hapoh jong ka Constitution Ri India kaba la buh jingeh ia ka jaidbynriew ha kiba bun ki phang ne ki mut ban iarap ban sei ia ki hok shisha jong ki Hima Khasi States.

Halor kane ka phang ki la ai bor ha u Bah John F Kharshiing, Spokesperson, Federation of Khasi States ban ia shim bynta bad ban ia thir tikna halor katei ka phang ha katei ka Committee KHADC khnang ban ioh jingshai halor ka jingthmu jong ki bor KHADC, bad ynda la ioh ia katei ka jingshai kin sa nang pyrkhat halor katei ka phang, namar ki pynpaw ba ki jingthoh na ka FKS kiba la bun ki la leit sha Sorkar India bad ha kaba ka Sorkar India ka la phah shithi ban pan jingshai na ki bor Sorkar Jylla Meghalaya kaba dang ap jingshai na kibor KHADC halor katei ka phang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet