Kyntu ka FKJGP ia u bah Banteidor ban sam ia ki symbai katkum ka port hung

Shillong, Nohprah 05: Ka Federation of Khasi Jaintia and Garo People (FKJGP) Agriculture Cell, East Khasi Hills District ka la kyntu ia u Myntri ka tnad Agriculture ka Sorkar Jylla, Bah Banteidor Lyngdoh bad dawa na u ban buh ia ka Soil Testing Center ha man la ki Block bad Circle Office ban test bad ban sam ia ki Soil certificate sha ki  nongrep ha ka por ba biang.

Ka seng ha ka jingleit ia kynduh ia une u Myntri Sorkar ha ka Sngi Balang, ka la dawa ruh ba ka tnad Agriculture bad ka Sorkar Jylla ban pynioh kham bun shuh shuh ia ki symbai  kiba bha kiba lah ban pynmih kham bun ki jait jingrep bad kiba seisoh bha, kum u muli, kubi,  phul kubi, kba, phan, sohsaw, soh mynken, sying, bad kiwei kiwei de.

“Dei ban sam ia ki symbai ha ka por ba dei katkum ka aiom thung bad dei ruh ban sam kham bun ia ki dawai sboh, dawai khniang, bad kiwei kiwei bad dei ban pynioh sboh sha man la ki Block bad Circle”, ong ka FKJGP ha ka jingthoh ba la soi da u Samla Bristar Mawthoh, Secretary, u samla Bill Clinton Wankhar, President bad u samla Morningstar Pyngrope.

Ka seng ka la dawa ruh ba dei ban pynioh ia ki tiar trei ia ki nongrep lyngba ka subsidy scheme ha ka dor kaba duna bad kiba bha,  kum ka Pump Synreit Dawai bad ki machine kum ki power tiller, ki water pump, bad ki kiwei kiwei. “Donkam ban pynbun ki scheme ban sam um sha baroh ki jaka rep khamtam ki hali bad pynthor, ki prokram ai jinghikai bapher bapher bad pynshlur ia ki nongrep ban rep da kiwei jait jingthung kum ka rep tit, rep syntiew, rep soh, rep slasha bad kiwei kiwei ruh”, ong ka jingthoh.

Ka seng ka la dawa ba dei ban pynkloi ban theh ia ki lad jingïarap sha ki nongrep kiba shah pynjulor ki mar rep ha ki bor mariang, ban pynheh ia ka bhah jingiarap bad ban pynkloi ban sam ia ki jingiarap sha ki nongrep ha ka por ba biang. “Ka Sorkar ka donkam ban thaw skhim kyrpang na bynta ban shna bad pynbha ia ki surok ban leit sha ki jaka rep”, ong ka jingthoh.

Ka seng ka la dawa ruh ban thaw skhim kyrpang na bynta ban shna ropeway sha ki jaka ba long riat khamtam sha ki thain Riwar namar ka jingeh ha kaba iadei bad ka kit ka bah.  Ka la dawa ruh ba dei ban buh ia ki Collection Center bad Cold Storage, ban pyntreikam ia ka Labelling bad Food processing, ban thaw bun tylli ki Ïew dielang.

Ka seng ka la dawa ruh ban buh ka jingkyrpad ban ai jingiarap ban map ia ki ram rep jong ki nongrep lyngba ka jingshah ktah lyngba ka jingkhang khyrdep ban iakhun ia ka COVID-19 bad ban sdang biang bad ban pynkloi ban pynrung kyrteng  ha ka ka PM-Kisan Yona Scheme .

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet