Kyntu ka HFU ia ka sorkar ban nym shah ia ki shipai ban wan sha Iew die jhur ha Anjalee

Shillong, Nailat 01: U president ka Hills Farmer, s Union (HFU) u Bah Commander Shangpliang u la kyntu ia ka sorkar ba kan kyntu ia ki kynhun shipai ba kin nym wan thied jingthied na ka iew dielang ia ki jhur ha Anjalee Parking Lot namar ki paidbah ki syier ban iohi ba ki wan ha kane ka por ba dang dong kane ka COVID-19.

U bah Commander u la ong ba lada ka sorkar ka lah ban nym shah ia ki ba kin wan sha kane ka iew die jhur lang kan bha shibun namar ki paidbah ki syier namar kane ka jingpang COVID-19 ka dang kiew ha kane ka nongbah Shillong. Kumba ka paw na ka jingpynbna ka tnad ka koit ka khiah ba ka jingkiew kiba shitom COVID-19 na ki kynhun shipai kala nangkiew.

Kum ka Seng kam Don ei ei ban pyrshah ia ka jingwan ki, hynrei ka sorkar kala buh kyrpang ia katei ka jaka die jhur tang na ka bynta ki nongrep ba kin die ia ki khur Jong ki bad ki nongdie jhur kiba buh dukan jhur kin wan ban thied na kane ka iew ban raha sha ki dukan kylleng.

La kyntu ruh ia ki bor sorkar ba kin ia kren bad ki kynhun shipai kiba Don ha kane ka nongbah Shillong ba lada long kaba lah ban nym shah ba ki kynhun na ki shipai kin wan namar kim dei ki nongkhaii jhur, la ong u bah Commander Shangpliang president HFU.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet