Kyntu ka “High Level Meeting” ia ki paidbah ban ai jingkyrshan lem ia kiba shitom COVID-19

Shillong, Iaiong 25: Mynta ka sngi kala don ka jingialang hapdeng ka sorkar bad ki liang pyrshah ha ka jingiadon lang u lamphang ka iing dorbar thawain ka jylla u Bah Metbah Lyngdoh ha MLA Hostel, kane ka jingialang la tip kum ka “High Level meeting”.

Ha kane ka HLM na ka liang jong ka sorkar la ialam da u myntri rangbah ka jylla u Conrad K Sangmba bad na ka liang pyrshah ialam da u Dr Mukul Sangma. Ha kane ka jingialang u Chief Secretary jong ka jylla u la batai bniah bha ia kaei kaba ka sorkar kala leh haba ia dei bad kane ka khlam COVID-19.

Ha kane ka jingialang la pynshai ba ka sorkar kala lah ban pyniaid ha kaba kit ia ki marbam, ka jingsam ia ki marbam kum ki lad jingiarap bad kiwei kiwei kiba ka sorkar kala shim ha kane ka por naduh bala lap ia u nongpang COVID-19 ba nyngkong ha jylla.

Ha kane ka jingialang la batai ha khmat jong ka High Level Meeting ba ia dei bad ka jingtest ia ki briew ba ka jinglah ban test ia mynta kalong 90 tylli ha ka shisngi, hynrei la lah ban pynheh bad ha pdeng jong ubnai Jymmang yn sa lah ban pynkiew ia ka jingtest sha ka 370 tylli ha ka shi sngi.

Haba ia dei bad ki “Antibody RD Kits” ka jylla kan sa ioh 50,000 tylli ha ka taiew ba nyngkong jong u bnai Jymmang ban wan. Haba ia dei bad ki lad jingsumar ka sorkar kala dang pynkhlain shuh shuh bad ia ki PPE kila don mynta ha baroh kawei ki jaylla, ki PPE ki don 64,458 tylli, ki N95 mask 80190 tylli, ki BiPAP Machines 60 tylli bad ki 3 ply mask ki don 5,10,000/- tylli.

Ki jaka quarantine, Corona Care bad ki Isolation centre la pynkhreh ha kylleng ki bynta jong ka jylla. Haba ia dei bad ki Doktor, ki nongtrei ka koit ka khiah, ki nongniah ia ki kali ambulance bad ia ki nongtrei ha ki jaka sumar la pynbiang ia ki lat jingsumar. Ka sorkar kala shimkhia bha ha kaba ia dei bad ki 5200 ngut kiba la register.

Ka jingiakren kaba kham bniah ha kane ka High Level meeting ka long ia kito kiba leh ia ka Home Quarintine bad ka jigntest ia ki ha dien ka 28 tarik Iaiong 2020. Ha kane ka jingialang la batai ruh ia ia ka jingsam  ba dei na ka NFSA ia mynta u bnai Iaiong ia ki marbam ka jingiarap pisa ia kiba sah kut sha bar ka jylla kala dang iaid.  Kiwei kiwei ki lad jingiarap kaba ka sorkar kala leh.

Ha ka jingialang jong ka High Level Meeting, kila don ruh shibun ki jingai jingmut na ki dkhot ka liang pyrshah ha kaba ka sorkar kala pdiang sngewbha ia ki jingai jingmut. Kane ka jingialang kala shim ia ka rai ban kyrpad lang ia ki paidbah nong shong shnong ban ai ka jingkyrshan ia baroh kito kiba ioh ia kane ka jingpang COVID-19 ban ban nym don ka jingpeit bein ia ki.

Kane ka jingialang ka kyntu ruh ia ki paidbah ba kin nym da syier bad ha ka juh ka por la bthah ba dei ban but ia baroh ki kyndon kumba la bthah bad ba dei ban leh khuid da kaba sait ia ki kit, kumno ban da haba jyrhoh bad ka jingpyniajngai iwei na iwei.

Katkum ka jingkhein kaba don mynta kiba don ia kane ka jingpang kim da don kam eh ban leit sha ki hospital ban sumar ki lah ban jem da kaba shong marwei ha iing bad ka sorkar kala pynkhreh ban sumar lada don kam ban rah sha ki hospital. La kyntu ia ki paidbah ban burom ia baroh kiba trei ha ka tnad ka koit ka khiah.

Ia kane ka khubor la phah lang da u myntri rangbah ka jylla, u lamphang ka iing dorbar u nongialam ka liang pyrshah. Kiwei kiba la ia don lang ha kane ka jingialang ki long u Symbut myntri rangbah ka jylla u Bah Prestone Tynsong, Bah AL Hek, bad u Bah  Lahkem Rymbui.Katba na ka liang pyrshah la ialam da u Dr Mukul Sangma nongialam ka liang pyrshah, Bah  Charles Pyngrope, u Zenith Sangma, kong  Ampareen Lyngdoh bad bah M Syiem.

Na ka liang jong ki ophisar la don u  Chief Secretary u M S Rao, kiwei ki heh sorkar kiba dei na ka tnad sam bam, ka tnad pla pisa bad ka kiwei kiwei ki tnad sorkar kiba la ia don lang ha kane ka jingialang kaba kyrpang mynta ka sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet