Shillong, Naitung 25: Ka HYC Madanriting Unit, Kum ka jingsngewkhiah halor ka jingkiew sted ki nongpang COVID-19 ha kane ka jylla khamtam hapoh ka nongbah Shillong, lyngba ka kyrwoh na u samla Joy Phankhon President HYC Madanriting Unit, ka sngewkhiah ban iohi haduh kine ki sngi ha ka Thain Madanriting ba kiba hi ki nongshong shnon kala shem ba Kim shim la bud ryntih iaki kyndon ba la bthah da ka Sorkar.
Ha Kaba Kum ka seng Ka dang lap bad shem ia kiba bun ngut ki riew paidbah kiba iaid ba ieng ha ka Shnong Madanriting haduh kine ki sngi Kim shim la Deng iaki mask kumba la bthah, ka Seng ka sngew ba Kum kine ki jingleh Jong ki katto kattne ngut ki riew paidbah ki bym don iaka jingkitkhlieh Kan wanrah jingma pynban ha ka jingshah lynshop ha Kane ka Khlam COVID-19, ia kiwei pat ki nongshong shnong kiba la buh ryntih iaki protocol Jong ka Sorkar.
ka Seng ka kyntu iaki bor ka aiñ ban kin wan jurip bad leh katkum ka lynti jong ka aiñ ia ki bym konguh lane bud ryntih iaki protocol, khnang ban kan wanrah ka jingshngain bad jiniada na ka bynta ki nongshong shnong Jong ka thain Madanriting hi baroh kawei na ka jingiabit ha Kane ka Khlam COVID-19, ka Seng ka kyntu ruh iaki trai bad nongdie Dukan kiba Shong dukan hapoh u pud u sam Jong ka Shnong Madanriting.
Ka HYC ka kyntu ba dei ban kin bud pyrkhing bha iaka jingbthah Jong ka sorkar kata ban ym ialum briew haka por thied por pet,namar katkum ka jingshem Jong ka Seng kiba bun hi ki dukan khamtam ki dukan Jong ki bar jylla ki dang ialum briew beit kumba juh long ha ki por thied jingthied, bad kane ka jingleh bym suidniew Jong ki trai dukan ban pyrkhing iaki paidbah nongwan thied, Kan pynshong syier bad buh jingma iaka koit ka khiah Jong ki paid nongshong shnong hi baroh kawei.
ka Seng ka kyntu ruh iaki Bor pyniaid Shnong ban kin peitbniah bha ia Kum kine ki jait dukan bad lada lap ba ki pynkheiñ ki bor Shnong ki dei ban leh da kaba tyngeh khnang ban pyntikna iaka bha bha ka miat Jong ka koit ka khiah na bynta ki paid nongshong shnong Jong ka thain Madanriting hi baroh kawei.Bad ruh Kum ka jylla ngin lah ban iakhun bad jop ia kane ka khlam COVID-19 da ka jingiatreilang Lang Jong baroh.
