Kyntu ka HYC ia ki MLA, MDC ba ia kren bad ka sorkar ban khang shuwa ia ka khaii na Tamabil

Shillong, Naitung 08: Ka HYC Riwar Mihngi Circle ka la Kyndu ia ki Driver Association jong ka Riwar Mihngi kumjuh ia ki Export Association ba kin pyrkhat bunsien hashwa ba kin leit pynhap ia ki mar ki mata lyngba ka export import sha Bangladesh hadien ba ka sorkar ka mut ban plie noh ha ka 9 tarik mynta u bnai.

Ka seng ka lyngba ka kyrwoh na u President Samla Edmund Khongngai u la kyntu ia ki Association ba kim dei ban khohreh tang namar ba ka sorkar ka plie noh ia kane ka lad khaii kaba don ha Tamabil Dawki.

Namar la iohi ba kane ka jingpang CoVID-19 ka la kiew sted ha kane ka jylla, kum ka seng kaba pyrkhat ia u paidbah ba bun balang ka sngewdei ban kyntu ia ki Nongialam ba kin ap shwa shipor namar lada jia ba une u jingpang COVID-19 un ioh rung ha ka thaiñ Riwar.

Ka long ka jingma ia ki paidbah namar la iohi ba ha ka thaiñ kim biang ki jingsumar bad ki Lad jingiada lada ioh ia une u jingpang. Kumta la da jia ba kane ka jingpang kan ioh rung ha ka thiañ nyngkong eh ka long ki paidbah ki ban kynduh ia ka jing jynjar kumba kila iohi ha khappud Ri Bhoi.

Kumba ka long  mynta ki paidbah ki shitom bad ki iakynduh jingeh namar ka sorkar ka la pyn jari da ka Curfew hakaba ki paid kim ioh Shuh tang ban mih na la ki ing ki sem namar ki la sheptieng ia une u jingpang.

U Nongialam ka HYC Riwar Mih Ngi u la kyntu bad kyrpad ia ki Nongialam ka Association ba kin pyrkhat lang ia jingshngaiñ ka thiañ khnang ba ngi lait na une jingpang. Ka seng ka la kyntu ruh ia Ki Nongmihkhmat na duh u MLA, MDC ba kin tuklar lem sha ka sorkar ba kan khang shwa shipor ka ka trade.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet