Shillong, Jymmang 12: Ka kam khappud la kadei ka bad kiwei ki ri ne bad ki jylla ka dei ka Kam kaba jyrwit bha. Ki phew snem ki la leit..Bun bah ki briew ki la iap bad mynsaw , ki iing ki sem ,ki jingthung jingtep bad ki jingri Jong ki briew ki la shah leh tohmet bad shah pynjot, ka hok longbriew ka la shah iuh roit , ka roi ka par ka la sahkut bad kyntang iawai ki riew shim kabu bar ri bar jylla kiba bam ar maloi bad bam sap ruh kila kynrei .
Ka jingbym lah ban pynbeit ia u pud u bad ka Assam Ka la dei ka Jinglehrain Kum ka jylla hi baroh kawei . Lada Kane ka Kam ka dang neh sah kumne la tikna ba bun bah ki jing sngewsih kin nang lap. Kapor ka dawa ia ka Jingpynbeit pud kham kloi katba lah.
Ha ka HYC ngim idon jingmut shuh ban bein ne kynnoh iano iano, Kam myntoi shuh ban bein ban kynnoh ia kiba la dep , kaba don Kam ka long bam shim jinghikai na kipor kiba ladep . Ka Seng ka ai Khublei ia baroh ki riew shlur Jong ka jaidbynriew kiba la trei shitom ban khih ban ksar na bynta Kane ka mat.
Ka HYC ka sngew nguh ia baroh ki paradoh kiba sah ha ki thain Border kiba la long ki shipai iada pud Jong ka jaidbynriew. Khlem maphi ki paradoh kiba sah ha ki thain border lehse Mynta la shah klun lut ki jaka ha ka Assam.
Ka HYC ka khot ka wer Mynta iaphi baroh ba Ka por ka dawa ia ka Jingiatylli bad iatreilang Jong baroh ban pynbeit noh ia Kane ka Kam , donkam ka Jingiatreilang Jong baroh ha Kum Kane ka por.
Ka HYC ka kyrpad ia u myntri rangbah ka jylla, ki myntri sorkar nongialam ka liang pyrshah , shongknor, ki MLA ki CEM bad ki MDC ba Sngewbha nai pynlong politics ia Kane hynrei to iatreilang baroh da kawei ka sur bad kawei ka jingmut .
La kyntu ia ki officer la ki dei ki IAS , IPS, MCS bad baroh ki nongtrei sorkar ba phin iarap naduh ka mynsiem Jong phi ban pynbeit noh ia u pud u sam ka jylla. Ka seng ka da kyrpad kyrpang eh ia ki Dorbar Trai Ri naduh ki Dorbar hima , dorbar elaka ,dorbar raid , dorbar shnong bad ki Dorbar kur ba phin ia shim khia ban iada bad pynneh la u pud bad kumjuh ruh ban ai ka kti ka Mon kadiang Jong phi Sha kaban iada ia la u pud u Sam.
Ka HYC kyntu ia baroh ki seng bhalang ba Ka por kala dei ban ia mih ryngkat lang ban long ka sur bad ka bor kaba khlain ban kyrshan , ban ai jingmut bad ban pynkynmaw ia ki bor sorkar bad ki dorbar Trai Ri ba kin trei shitom ban iada bad pynbeit noh ia u pud u Sam ka jylla khang ba ki long dien kin mym mad shuh ia ki jingeh, ong u Bah Robertjune Kharjahrin president ka HYC.
