Kyntu ka KSU ia ka DC ka SWKH District ban siew bai lutksan ia kiba khlad ha wah Tihiang

Shillong, Nailur 28: Ka KSU South West Khasi Hills District mynta  ka sngi hapoh ka jingialam jong u samla Forwardman Nongrem President KSU South West Khasi Hills District bad u samla Shemphang Nonglang Vice President ka la Leit ban iakynduh ia ka kong C. Kharkongor Deputy Commissioner.

Kane ka jingiakynduh ka long na ka bynta ban dawa ban siew bai lutksan shaki ki longing jongki 6 Ngut Ki nongshongshnong jongka shnong Mawjai kiba la ngat haka apot shah rong um ha ka wah Tihiang kaba don ha ka thain Warsan Lyngdoh katba ki dang thmu ban leit ha iew Nongstoin myn haka step 22 tarik jong mynta u bnai.

Ha kane ka jingiakynduh naka liang jongka KSU ka la pynpaw ba ka sorkar ka dei ban siew bai lutksan sha ki long iing da kaba pynshong nongrim ba kine ki nongshongshnong ki la hap ban kam ia kane ka wah da ka jingbymbanse namar kam don da kawei ka lynti iaki ba kin leit sha iew sha hat na kiwei ki jaka.

Naka liang ka DC ruh ka la iathuh ba naka liang ki bor district kin sa shimkhia halor ka jingsiew bai lutksan sha kine ki longing ba mad ia kine ki jingjia ba sngewsih.

Ha kajuh ka por, naka liang ka seng ka la pynsngew ruh ba ka long kaba donkam ban shna pynbha ne maramot ia kane ka jingkieng ha kane ka wah kaba la shah pynjulor noh naduh Ki bnai ba la dep naka daw ka jingheh jongka um.

Ka seng ka la ai jingmut ruh ba ki bor pyniaid jong ka District ki dei ban pyndep noh ia ka bynta ban shna iaka jingkieng kali kaba kham skhem ia kaba la mang naka scheme PMGSY jong u snem 2017-18 kaba lah ban pynthikna ba kan nym don Shuh ka jingshah rong ne shah pynjot ha kane ka wah haki snem ban wan khnang ban lait naki jingjia ba sngewsih.

Ka KSU kala kyntu ba dei ban pynkloi iaka jingshna iaka surok sha kato ka thain ia kaba la mang lyngba ka scheme PMGSY naduh Wahkaji terter shaduh Nongrynniang.

Iaki ki mat ka seng ka la pynsngew ruh sha u Bah Pius Marwein, MLA ka Ranikor Constituency ha kaba naka liang jong u la Kular ban shimkhia haba iadei bad kine ki mat jingdawa. Kane ka long katkum ka kyrwoh kaba la phah da u  samla Commonsense Snaitang, Office Secretary ka seng KSU SWKH District.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet