Kyntu ka KSU ia ka sorkar ban buh da ka por ban weng noh ia ki kharmetor na Iew Mawlong

Shillong, Jylliew 05: Halor ka rai jong ka sorkar jylla ban pynkha da ka High Level Committee ban pynbeit ia ki kynrum kynram ka Them Metor ka KSU ka kyntu ia ka sorkar ban buh da ka por lane ka “time frame” ban kyndang noh ia ki kharmetor na Iew Mawlong.

U president jong ka seng KSU u la ong ka la ju jia na ki por sha ka por ba ka sorkar jylla ka ju seng da ki committee ban pynbeit ia ki jingeh ba ka Jaidbynriew ka ia kynduh hynrei phewse kine ki committee kim poi shano shano ruh bad ki mat jong ka Jaidbynriew ki iaisah beit kumba ju long.

Kumta ka seng ka kyntu ia ka sorkar ba lyngba kane ka committee ka dei ban shim khia ban pyni noh da ka kam bad kata ka long ban shim ia ka rai ban weng beit ia ki kharmetor na Them Iew Mawlong khlem da pynjlan khnang ba wanrah biang ia ka jingshong shngain ha iew ha hat bad ha ka sor Shillong baroh kawei. La ong u Bah Lambokstarwell Marngar  president ka seng KSU ha ka kyrwoh mynta ka sngi.

What Next?

Recent Articles

Leave a Reply

Submit Comment

*