Kyntu ka KSU,ka SWKH ia ki nongpyniad skul ban nym shah mobile phone ha ki jaka pule

Mobile phoneMawkyrwat, Nailar 27: Ki jaka pule ki long ka shlem ban saiñdur ïa ka lawei ka jaitbynriew, ki khynnah bad samla pule ki long ki nongïoh kynti ban saiñdur ïa ka. Ki long ruh ka jingkyrmen bad ka jingpynkynmaw ïa ki shaphang kata ka lawei baphyrnai.

Phewse kat nang tyllun ki sngi, ka jingkylla dur noh ha ka akor ka burom, ka jingnanghiar arsut ha ka jingkohnguh bad ka jingsynjor noh ha ka jinglongryntih jong ki samla pule; ki long pynban ka jingkahdum bad ka pynhiar dor ïa ka jaitbyriew hi.

Ka jingpynmlien ha ki jingdih pynbuaid, ka jingbam ne dih duma bad ka jingshah ïalam bakla lyngba ki lad pathai ka juk mynta ‘social media’ lehse ki long daw bah jong kane ka jingkylla dur bad ki pyni pynban ïa ka nuksa ba sniew sha ki khynnah pule ba dang lung.

Ka KSU South West Khasi Hills lyngba u kyrwoh ka pynpaw ïa ka jingsngewkhia bajur halor kane ka bynta bad ka maham tyngeh namar kata ïa kino kino ki khynnah bad ki samla pule jong ki skul bad kolej bapher bapher hapoh ka District ba kim bit ban thad burom da kaba dih ne bam duma, ne ban dih kino kino ki jingdih pynbuaid ha ki phyllaw  jaka pule lane hajan ki jaka pule jong ki.

Kane ka long khamtam eh ïa kiba phong ïa ki jaiñ skul ne kiba deng ïa ki ID jong ka jaka pule bad lada lap hangno hangno ruh ïa kiba leh kumta ka Seng kan sa shim da kaba tyngeh. Ka Seng ka maham ruh ïa ki nongdie jingdie ba shait die ïa kiba kum kitei ki jait jingdih ha ki samla pule .

Kumta ban tei bad tehlakam ïa kiba kum kine ki jingsniew ka Seng ka khot ka wer ïa ka jingïatreilang ki nongshong shnong baroh bad khamtam eh ki nonghikai ne bor pynïaid skul ban peitngor halor kane bad ruh ban nym shah ïa ki khynnah ban pyndonkam mobile phone ha ki jaka pule jong ki. Da kaba kyrmen ruh ba lyngba ka jingïatreilang ki lah ban tei ïa ka imlang sahlang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet