Kyntu ka MSSASA ia ki nonghikai SSA ban nym ia shim bynta ha ka jingiakhih

Shillong, Nailur 01: Ha dien ba kila don ki nonghikai SSA kiba la pynbna ban pynlong ia ka jingiakhih ha ka sngi burom ki nonghikai haka san tarik mynta u bnai, na ka liang jong ka seng kmie ka  Meghalaya SSA School Association (MSSASA) kala kyntu ia baroh ki nonghikai SSA ba kim dei ban ia shim bynta ha kane ka jingiakhih.

Ha ka kyrwoh kaba la phah mynta ka sngi, u Bah Aristotle C Rymbai President  jong ka MSSASA seng kmie ula ong ba kum ki nonghikai dei ban sngewthuh bay m baroh ki jingeh lah ban weng da ka jingiakhih, hynrei ia ki jingleh lah ban ia pynbeit da kaba ia kren kumno ban weng ia ki jingeh namar ka don ka sorkar jylla bad ka sorkar pdeng.

Haba ia dei bad ka jingbym pat ioh ia ka tulop jong ki nonghikai SSA mynta la san bnai naduh u bnai Iaiong haduh u Nailar 2018 ka long kaba shisha, hynrei ia kane ka rai ban pynlong noh kawei ia ki skhim jong ka sorkar pdeng la leh da ka tnad pule puthi jong ka sorkar pdeng. Mynta ia ka jingsiew iaki nonghikai SSA, RMSA yn siew noh lyngba kane ka skhim kaba ia kaba la bei da ka sorkar pdeng sha ki sorkar jylla ban siew ia ka tulop jong ki nonghikai.

Dei na kane ka daw ba ka MSSASA naduh u bnai Lber mynta u snem kala juh ia kren na ka por sha ka por bad ka tnad pule puthi jong ka sorkar jylla ban ia mir jingmut halor ka rukom siew ia ka tulop kaba thymmai. Kumba ka long T.19044  ia ki 5814 ngut ki nonghikai LP bad T.20493 ia ki 6727 ngutki nonghikai UP.

Ha kane ka skhim kaba thymmai jong ka sorkar pdeng ka long ba ia ki nonghikai LP ka jingsiew ka sorkar pdeng kan bei T.5000/- bad ia ki nonghikai UP ka sorkar pdeng kan bei T.20000/- ia kaba duna ka sorkar jylla kan hap ban bei katkum ka mang pisa kaba 14th jong ka Finance Commission, la ong u Bah Rymbai. Halor kane ka seng kala dep ban aid a ka jingthoh sha ka sorkar jylla.

Halor kane ka jingthoh kaba ka seng kala ai, kala don ka jingiakren bad u myntri rangbah, u Conrad K Sangma, u myntri ka pule puthi u Bah Lakmen Rymbui, bad kum juh bad u Chairman ka State Planning Board uBah Lambor Malngiang. Ha kine ki jingiakynduh baroh kila ia kren ia ka rukom siew ia ka tulop jong ki nonghikai kumno ban leh. Halor kine kiei kei baroh kum kinonghikai kila sngewthuh.

Lada ka sorkar kam leh ei ei halor kine jingiakren baroh ka seng kan sa pyrkhat da kumnwei pat, hynrei kumba ka long na ka liang jong ka sorkar kala shim khia ia kane ka kam ban pynbeit ia kine ki jingeh kaba ki nonghikai ki ia kynduh. Ban khot ia ka jingiakhih ha ka sngi burom jong ki nonghikai ka long kaei kaei kaba sngewsih namar ka sorkar jylla kala trei shitom ban pynbeit ia kine ki jingeh. Kumta la kynti a baroh ki nonghikai SSA ba kim dei ban ia shim bynta ha ka jingiakhih.

 

 

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet