Kyntu ka NPP Ranikor Block ia u Martin MLA ba rim ban dang iai neh ka party: Kiborlang

Shillong, Kyllalyngkot 26: Halor ka jingmih khubor ba ki nongialam jong ka seng National people’s Party (NPP) Ranikor Block NPP Unit kiba khynthup ia U President Bah German Nongsiang bad kiwei de ki nongialam ba kila mih noh na ka party, halor katei ka jingleh jong ki u Bah Kitborlang Nongrem president jong ka NPP South West Khasi Hills District u kwah ban iathuh shai ha khmat jong ki paitbah ba ym shem don kano kano  ka jingiaknieh ia ka Tiket naka bynta ka ilekshon MDC shiteng samoi na ka 26-Langrin MDC Konstitwensi ka ban sa long ha ka 28 tarik u Rymphang 2020.

Haba ia dei bad kane ka kam MDC hapoh jong ka konstitwensi, ka party NPP jong ka Ranikor Block kala khot ia ka jingialang paidbah ha Munaisora ha ka 25 Naiwieng 2019 ban ia kren halor ka ilekshon MDC shiteng samoi ha dien ka jingkhlad noh u MDC jong ka Langrin MDC Konstitwensi, hynrei ha katei ka jingialang u President u ba pyniaid ia ka jingialang u la wanrah ia ka jingiakren ban jied syndon ia u kyrtong.

Haba la wanrah ia kane ka phang don na pdeng ki paitbah kiba la tyrwa ia ka kyrteng jong u Bah Kitborlang Nongrem, kum juh  ia u Bah Jotin khardewsaw bad ia u Bah Skingford Nongbri, dei halor kane ka nongrim ba mih lai tylli ki kyrteng bad da kawei ka sur ha katei ka jingialang la shim iaka rai ba ia kane ka kam kin shaniah ha ka Executive Committee ban ia kren bniah.

Ka Executive Committee kaba la ia shong ha Shillong ha ka 20/12/2020 ban ia kren ia kane ka kam, ha kane ka jingiakynduh u Bah Skingford Nongbri u la phah  ia ka shithi  ba u la weng noh ia lade na ka jingpan tiket na ka bynta ka MDC hapoh jong ka 26-Langrin MDC Konstitwensi, halor katei ka shithi ka Executive Committee kala pdiang ia ka jingweng noh u tei u rangbah.

Ha kane ka jingiakynduh u Bah Kitborlang Nongrem u la iathuh ba u Bah Jotin Khardewsaw ruh u la kren ha khmat ka Committee ba ma u ruh u la weng noh na ka jingpan tiket bad ban ailad biang ia u Bah Nongrem u ba la ia khun teng ia ka MDC ha kaba u la wan ba ar ha ka general ilekshon kaba la long ha u snem 2019. Ha dien ba kitei ki rangbah baroh ar ngut kila weng noh ia lade na ka jingpan tiket kaba sah ka dei sa tang ka kyrteng jong  u bah Nongrem.

Namar ba kitei ki ar ngut ki rangbah kila weng noh ia lade na ka jingiapan tiket ka Executive Committee kala shim ia ka rai ban phah ia ka kyrteng jong u  bah Kitborlang Nongrem sha ki bor ba halor jong ka party lyngba jong ka District NPP South West Khasi Hills sha ka NPP Meghalaya state Unit ban ioh ia jingmynjur ,na liang jong u President Bah German Nongsiang dalade u la kyntu ia u Bah Nelbi T.Sangma General Secretary ba un leh ia kaba donkam.

Hynrei kumba la paw ha ki lat pathai khubor ba lada u bah Kitborlang Nongrem un ioh ia ka tiket jong ka party kin mih noh ka party NPP da kaba ai daw ba ki paidbah kim mon shuh ia u, kane ka jingkynnoh ka long tang kito ki nongialam kiba la wad daw ban mih noh ka ka party, la ong u bah Nongrem.

U bah Kitborlong u la ong ban kynnoh ia ki paidbah ka long kaei kaei ka bym don nongrim namar ba ha ka 24 tarik mynta u bnai ka dang don ka jingiakynduh hapdeng u bah Prestone Tynsong nongialam ka party, u Dr W R Kharlukhi State President u Martin M Danggo u President ka Ranikor Block Bah German Nongsiang bad u bah Kitborlang kum u president jong ka SWKH Distrik jong ka NPP lem bad ki nongialam jong ka Ranikor Block u Bah Jotin Khardewsaw ruh u la ia don lang ha katei ka jingialang ba la khot da ka NPP Ranikor Block.

U bah Kitborlang u la iathuh ba u la ioh ia ka jingtip kaba thikna ba u bah Jotin Khardewsaw u la dep ban rung sha ka party Congress naduh ka 21.12.2019. hynrei na ka lianng jong u Bah Jotin u dang len ia kane.Ha ka tei ka  jingialang na ka liang jong u bah Kitborlang u la pyni syndon ia ka phom kaba kdew shai kdar ba u bah Jotin u la dep ban rung sha ka party Congress bad mynta ym dei shuh u dkhot jong ka party NPP bad ym don hok ban dang wan pan tiket na ka party, dei halor kane ba kitei ki nong ialam ka NPP ki sa phah noh ia ka shithi resign jong ki na ka party.

Naka liang jong u Bah Kitborlang Nongrem u ka buh ka jingkylli hato kitei ki nongialam jong ka NPP kiba la kam ba dei ki paidbah, ka jingkylli ka mih mynta hato ki la ioh ne em ia ka jingbit na ki paidbah ban mih na ka party namar dei ha ka juh ka sngi ba don jingialang kata ka 24 tarik Kyllalyngkot bad ki mih ruh ha ka juh ka sngi na ka party NPP.

Ki nongialam jong ka NPP hapoh jingialam jong u bah Kitborlang Nongrem bad u Nelbi T Sangma kum u General secretary bad kiwei ki nongialam kila shong kyrkieh bad ha ka jingiakynduh kila shim ia ka rai ban pynkhamti ha u Bah Nongrem kum u president ba shipor jong ka NPP Ranikor Block ia kane ka rai la shim ha ka 25 tarik mynta u bnai. Na ka liang jong ka NPP Ranikor Block kan khot ia ka jingialang ha ka 03 tarik Rymphang 2020 ha Rangthong ban ia kren halor ka kam Ilekshon MDC Shiteng samoi hapoh jong ka 26-Langrin MDC Konstitwensi.

U Bah Kitborlang u la ong ba ia mynta kan shong ha ka jingialang jong ka party ban shim ia ka rai la ka party kan pynieng kyrtong ne em ha kane ka ilekshon MDC shiteng samoi na ka 26-langrin MDC Konstitwensi, ha ka juh ka por u la ong ba lada ka party kan buh ia u kyrtong lada ka party ka dang ibit ban ai ia ka tiket na ka party u la ong ba u long u ba la pynkhreh ban ia khun ia kane ka MDC shiteng samoi ka ban long ha ka 28 tarik Rymphang 2020.

Na ka liang jong ka NPP Ranikor Block ka kyrpad ia u Martin M Danggo MLA barim ba un dang iai don hapoh jong ka party kumba u la ia wer ban mih na ka party Congress halor ka nongrim ban pynioh ia ka Ranikor Civil Sub Division kaba la urlong shisha lyngba ka party NPP hapoh ka jingialam jong u Conrad K Sangma kum u myntri rangbah, ryngkat u Bah Prestone Tynsong kum u symbut myntri rangbah ka sorkar jylla.

 

What Next?

Recent Articles

Leave a Reply

Submit Comment

*