Kyntu ka SNSBH ia ki dorbar shnong ba kin kyntu ia ki paidbah ban long kiba jai jai

Shillong, Naiwieng 23: Ka jingialang ba kyrkieh  hapdeng ka Synjuk Ki Nongsynshar Shnong Ka Bri U Hynniew Trep( SNSBH) kiba la poi sha ka jingialang bad   ki Rangbah Shnong bad ki dkhot ki Dorbar Shnong bapher bapher hadien ba la wai ka jingialang bad U Myntri Rangbah ka Jylla  Shri.Conrad .K. Sangma.

Halor ka jingjia ha ka shnong Mukroh West Jaintia Hills mynta ka step ha kaba san ngut ki mynsiem ba kordor kiba la duh noh bad bun kiba la mynsaw ruh ba la siat da ki Assam Police bad ki briew ka Forest Department jong ka Sorkar Assam ha ka 22.11.2022 por kum ba 7 baje mynstep.

Ki ba la shimbynta ha kane ka jingialang ba kyrkieh hapoh ka jing pyniaid U Secretary ka SNSBH  Bah R.L.Blah  u la kyrpad ia ki shnong , khamtam ia ki Rangbah Shnong bad Dorbar Shnong baroh ban kyntu ba ki paid nong shong shnong kin long jai jai.

La tyrwa ruh ban ia leit katba lah ei sha Mukroh ban ia kynduh ia u Rangbah Shnong Mukroh Bah Hamboi Sumer bad kiba ha ing jong kiba la khlad noh katba lah. La tyrwa ruh bad kyntu ia ka Sorkar ban pynbna State Mourning na ka bynta Ar sngi, kata 24.11.22 bad 25.11.22 kum ka dak jong ka jingsngewlem ia kitei ki paradoh parasnam  ba la khladnoh.

La tyrwa bad kyrpad ban pynlong ka jingwah lama iong bad ban deng lama iong da baroh ki briew jong ka Jylla na ka bynta Ar sngi khlem da shah pynbor hano hano.

La tyrwa  bad kyrpad ruh ba ki Synjuk ki Rangbah Shnong bad Nongsynshar shnong ha kylleng ka Sor bad khap Sor ban lum jingialang kyrpang ban pynpaw ia ka jingsngewlem ia ka jingjia ha ka shnong Mukroh.

Kum ka Synjuk ngi pynrem jur ia ka jingleh riewkhlaw jong ki Assam Police bad ki briew jong ka Forest Department jong ka Assam kiba la shim ia ka ain ha ka kti jong ki bad pyndonkam bakla ia ka iktiar ba la pynkhamti ha ki.

La rai ruh bad dawa ba ka Sorkar Meghalaya ka dei ban pynsngew sha ka Sorkar Pdeng bad ban tokit da ka NIA halor kane ka jingjia, namar tang ka FIR bad ka enquiry kam biang satia bad ia kine ki nong pyniap briew dei ban ai capital punishment ba kum kine ki ei ki ei kim dei ban dang jia biang nangne shakhmat.

La rai ruh ba ka Synjuk Ki Nongsynshar Shnong Ka Bri U Hynniew Trep ( SNSBH)  kan phah ia ka Memorandum bad dawa na baroh ar tylli ki Sorkar kata ka Sorkar Meghalaya bad Sorkar Assam ba dei ban pynshitom ia kine kiba don kti ban siat iap bad pynmysaw ia ki briew kiba lui lui bad khlem tiar khlem tar  bad dei ban shimti da ka NIA ban tokit ia kane ka jingjia, bad dei ban ai capital punishment ia ki, bad ka Sorkar Assam ka dei ban siew compensation ia kiba la khlad bad ia kiba mynsaw ruh.

Kane ka jingialang ka la rai ruh ban pynlong ia ka  jingduwai kyrpang  lashai ka sngi ha SOSO Tham Auditorium ba la pynbeit da ka SNSBH ba kynthup ia baroh ki Dorbar Shnong ha Sor bad Khap Sor ryngkat bad ki Khlieh Nongialam Niam ha ka por 6 baje janmiet.

Ka seng ka khot sngewbha ruh ia U Myntri Rangbah ka Jylla lem bad ki dkhot ka Cabinet jong u ban ia don bynta lang lashai ka janmiet, la khot sngewbha ruh ia u  Chief Secretary bad ia ka Deputy Commissioner bad ki dkhot ka District Administration, bad ki Heh jong ka Police Department kynthup ki SP bad kiwe kiwei,

Ha kajuh ka por la khot sngewbha ruh ia ki Nongialam jong baroh ki Sengbhalang (NGOS) ban ia snoh kti lang bad ngi lashai ka sngi. Khatduh iawai la kyrpad ia baroh ki Dorbar Shnong ban wan ryngkat la kumno kumno 5 ne 6 ngut shi Dorbar Shnong bad lada long ka ba lah ban wan lang bad kin dkhot ki Seng Longkmie ,  bad ba ngin ia poi noh ha ka por 5 baje janmiet ban ioh ban ia kynduh shwa para ma ngi shwa ban sdang kane ka jingialang.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet