Kyntu ka “Youth Parliament” BJYM ia ka sorkar, buh ki jaka ai jinghikai ha baroh ki distrik

Shillong, Nailur 30: Ka BJYM, jong ka seng BJP hapoh jong ka jylla Meghalaya kala pynlong ia ka “Youth Parliament” ban ia kren halor ki saw tylli kip hang, ka bynta jong ki samla ban pynlong ia ka Ri India kaba thymmai, la iakren halor ka jingdon kam ban don ia ka jingthoh kyrteng ia ki nongshong shnong ka Ri.

Ha kane ka Youth Parliament la ia kren ruh ka sain pyrthei bad ka roi ka par bad ka sain pyrthei tang ban pynhun bad ka jingkiew ka jingbym ioh kam ioh jam ha ka jylla Meghalaya. Ki nongkren hakane ka sngi ki long u Phuyosa Yobin, muktiar, u Tilok Das, Bah David Kharsati bad u samla  Egenstar Kurkalang BJYM President Meghalaya.

Ia kane ka Youth Parliament la plie da u president ka seng u Bah Shibun Lyngdoh. Ka jingthmu haba pynlong ia kane ka Youth Parliament  ka long ban hikai ia ki samla ban pynsngewthuh ia ki rukom trei kam jong ka sorkar ha kaba ia dei bad ki kam pynroi.

Ha dien kane ka jingiamir jingmut ka BJYM kala shim ia ka rai ban kyntu ia ka sorkar jylla ba ka dei ban don ia ki rule bad ki mat trei kam kaba shai ha kikam pynroi, ka sorkar ka dei ban buh ia ki jaka ai jinghikai ha baroh ki District ha ka jylla baroh akwei.

Na ka liang jong ka BJYM ka kyntu ka sorkar jylla ba ka dei ban shim ia ka kabu ban pyntrei kam ia ki skhim jong ka sorkar pdeng, na ka bynta ki kynthei, ka bai bam ia ki samla pule ban pynioh ram ia ki briew lyngba ka MUDRA ban seng kam la jong ki samla.

Ha ka juh ka por ka BJYM ka ai khublei ia u Prakash Javadekar bala mang pisa ia ka jylla Meghalata T. 135 klur na ka T.132 klur ban siew iaka tulop jong ki nonghikai SSA ha ka jylla bad kum juh ia u myntri ka sorkar pdeng u  Nitin Gadkeri u ba la mang pisa haduh T. 1.5 lahk klur ban shna ia ki surok ha kane ka dang shatei lam mih ngi bad na ka bynta ka jylla Meghalaya ka long T.8000 klur la ong u bah Egenstar Kurkalang.

 

 

What Next?

Recent Articles

Leave a Reply

Submit Comment
*