Kyntu ki nognhikai kontrak ia ka sorkar ban pyrkhat lem namar kila palat ka rta wad kam

Shillong, Rymphang 26: Mynta ka sngi ka seng ki nonghikai kontrak ha ki skul Lower primary kiba dei jong ki skul sorkar hapoh jong ka lama “Meghalaya Government Lower Primary Contract School Teachers Association” (MGLPCSTA) kila pynsngew sha ka sorkar ba kan pyrkhat lem na ka bynta kito ki nonghikai kiba khlem pass ia ka examin MTET kaba la pynlong ha u Kyllalyngkot jong u snem 2019 ha kaba ia ka result la pynmih ha ka sngi baar mynta u bnai.

Haba kren ha ki lat pathai khubor mynta ka sngi ha Shillong Press Club u Bah S Kharsyntiew Vice President ka seng, u la ong ba ka jingpynlong ia ka MTET eksam ka long ban thung noh ai ki nonghikai ba pura ha ki LP School kiba dei jong ka sorkar bad baroh 1200 ngut ki nonghikai kontrak kila ia khun ia kane ka eksamin hynrei bun na ki kam shym la pass kumba kala paw ha ka resolt kaba la pynmih ha ka 25 tarik mynta u bnai.

Ka jingdukha jong ki nonghikai kiba khlem pass ia ka MTET ka long aiu kan jia ia ki ban wad kam shawei ruh ka rta jong ki kala palat, dei na kane ka daw ba ki buh ia kane ka jingkyrpad ha khmat jong ka sorkar ba wat ka lat ka lynti na ka bynta kito kiba khlem pass ia ka eksam MTET ba kin ioh ia ka kam khnang ba kin ioh ban bsa ia ki khun ki kti ban pyniaid ia ka iing ka sen.

La aithuh ba bun na kine ki nonghikai kontrak ha ki skul sorkar kila trei palat ia ka khyndai snem, ha kine ki khyndai snem ia ka jingtreikam jong ki la juh ai man ka 59 sngi bad ha dien ka 59 sngi ki ioh ia ka jingpynthymmai biang, baroh ki nonghikai kila pyndep ruh ia ka Dl.eT katkum ka jingpynbeit jong ka sorkar hynrei ka pynmih ia kane ka MTET ha kaba bun ki nonghikai kim shym pass ia kane.

Na ka liang jong ka Kong A Suchiang General Secretary ka seng ka buh ia ka jingkyrpat ha khmat jong ka sorkar ba lada ka long kaba lah ban sngewbha ban pynlong ia ka eksam kaba kyrpang na ka bynta jong ki ba kin ioh biangia ka kam, kane kaba pynjlan mynta ia ki ka long sa tang 59 sngi da la kut kane ka por kim tip shuh kaei ka jia kumta ki kyrpad ia ka sorkar ba pyrkhat lem na ka bynta jong ki.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet