Kyntu ki paidbah Pomlakrai ban pyndep noh ia ka jingsiangrong ia ka surok na Basti gate

Shillong, Naiwieng 24: Ban pynsuk ia ki paidbah ha ka leit ka wan ha u Lum Shillong, ka tnad PWD ha u snem 2017 kala shna pynneh ia ka surok naduh Basti Gate na syndah khyrdop jong ki shipai Suin ha laitkor bad mih sha Ksehbilat.

Katkum ka jingiathuh jong ki briew na katei ka thain kila ong ba ia kane ka jingshna pynbha ia kane ka surok la leh naduh u snem 2017 bad ka jingsiang khyndew ha kiba bun ki jaka la lah ban pyndep, hynrei haduh mynta ka jingtrei ka dang sah kut.

Ki paidbah nongshong shnong ka thain Polmakrai kila ia kynduh jingeh kaba khraw khamtam ha ka kit ka bah namar katei ka jaka ka dei ka jaka kaba ki paidbah ki im na ka rep ka riang bad ban kit ia ki marrep kala ktah shisha ia ka bai kali namar ka jingsiew ka surok.

La iathuh ba kane ka surok ka hap hapoh ka jingpeit jong ka Shillong By pass Division, na ka liang jong ki paidbah ki kynnoh ba dei ka jingleh sting jong ka ophis ba ki kontraktor kila ioh ban leh mon sha ba palat ban pynsuk ia ka jingtrei.

Na ka liang jong ki riew rangbah kila kyntu ia u MLA jong kane ka jaka u Bah Lambor Malngniang u ba dei ruh u Chairman jong ka Meghalaya State Planning Board ba un shim khia bad ia ka kren bad ka PWD ba kin pyndep noh kloi ia ka jingsiang rong ia kane ka surok.

 

What Next?

Recent Articles

Leave a Reply

Submit Comment

*