Shillong, Lber 24: U Myntri ka koit ka khiah jong ka sorkar jylla u bah AL Hek, ha ka jingekhe ia k
a sngi “World TB Day 2018” u khot u wer ia ki paidbah ban ia trei lang na ka bynta ban ia khun pyrshah ban rat jynduh ia kane ka jingpang TB.
Ia kane ka sngi la rakhe mynta ka sngi,ha kaba ha kane ka nongbah Shillong ka Meghalaya State Health Society (RNTCP) da ka jingia treilang bad ka District Health Society (RNTCP), jong ka East Khasi Hills, Shillong bad Reid Provincial Chest Hospital, Shillong ha kaba u Bah hek u la ong u kongsan.
Haba kren ha kane ka jingialang u la ong ban rat jynhuh ia kane ka jingpang don kam ia ka jingia treilang ki seng bhalang, ki riew paidbah bad kum juh na ka liang jong ki balang bad baroh. Ha kane ka sngi na ka liang jong u myntri u la pynlait paidbah ruh ia ka kali ban leit ban surok briew kylleng kylleng.
Kiba la ia don lang ha kane ka sngi ki long u MLA jong ka West Shillong, u Bah M. Rapsang, u Additional Chief Secretary jong ka sorkar Meghalaya, U P. W. Ingty, Secretary, Health bad Family Welfare u ba dei ruh u MD, NHM, u Pravin Bakshi, Joint Director Health Services (MI), u Dr. A. War bad ki heh jong ka State Tuberculosis Officer, Dr. D. G. Nongkynrih bad kiwei kiwei de.
