Shillong, Jymmang 18: Mynta ka sngi u Chief Executive Member jong ka KHADC u Bah Titosstarwell Chyne u la ia ka Sanad sha u Bah Criag Alan Lyngdoh ba un long noh u Lyngdoh ba pura jong ka Hima Mawphlang ha dien ba u la jop ia ka elekshon ha u snem 2019.
Haba kren ha ka jingialang kaba lyngkot ban ai ia ka Sanad na ka liang jong u Bah Chyne u la ong ba wat la ia ka kaiphot la dep ban wanrah hapoh ka iing dorbar na u Naiwieng jong u snem 2019 ha kaba ia dei bad ka elekshon ban jied ia u Lyngdoh ba thymmai hapoh ka Hima Mawphlang hynrei na ki jingkylla ka sian pyrthei la lah ban pyndep mynta ka sngi.
Ha kane ka sngi u CEM jong ka KHADC u la kyntu ia u Lyngdoh Mawphlang ba don kam ia ka jigniatreilang bad ka District Council kum juh bad u MDC jong ka jaka. La kyntu ruh ba la da don kano kano ka jingeh long bala kloi ban ia mir jingmut bad ki bor jong ka District Council.
Ha kane ka sngi na ka liang jong u Bah Pyniaid Sing Syiem MDC u la kren ha kane ka jingialang namar dei ha ka por jong ka jinglong Deputy CEM jong u ba bat ruh ia ka Elaka ba la lah ban pynlong ia ka elekshon ban jied ia u lyngdoh ba burom jong ka Hima Mawphlang.
U Bah Lamphrang Blah nongialam ka liang pyrshah u ba dei ruh u MDC na katei ka jaka u la pynpaw ia ka jingsngewnsguh ia ka EC kaba mynta kaba la lah ban ai ia ka Sanad ha kane ka sngi ba ka Hima kan ioh ia u Lyngdoh ba pura. Ha kane ka sngi la sakhi lang da ki myntri bad kiba ha iing ha sem jong ka Hima.
