Kyntu u Conrad ban pynneh ia ka jingsuk, kane kam dei ka por ban ialeh politic

Shillong, Lber 02: Kane kam dei ka por ba ialeh politic, kane ka dei ka por ban ia wanlang ban iada ia ki paidbah nongshong shnong, ha kum kane ka por kam long ban kren ei ei halor ki jingkynnoh, hynrei na ka liang jong u myntri rangbah u kyrpad ia baroh ki seng sain pyrthei ba dei ban ia treilang kawei ban peit ba kan nym don shuh kano kano ka jingjia.

Haba ia dei bad ka jingong ba dei ban khot ia ka jingialang jong baroh ki seng sain pyrthei halor kane na ka liang jong ka sorkar kan dang peit ia kane, na ka liang jong u myntri rangbah u la ong ba ha ka jingshisha haba ki pulit kila kyrpad ban nym pynmih ia ka jingphah khubor bala phah da ka seng lehnoh HNLC, hynrei ki don ki lat pathai khubor pat ki dang pynmih.

Ha kum kine ki jingjia, ka sorkar kala shim ia baroh ki lat ki lynti ban iada na ka liang jong ka sorkar jylla ba dkum juh na ka sorkar pdeng, ia kum kine ki jingjia ka sorkar kala peit bniah bad ka jingtohkit ha kaba ia dei bad ki jingklumar ha Iewduh ka jingtohkit kala iaid sha khmat bad la sdang ban lap ksai halor kitei ki jingjia.

Haba ia dei bad ka jingleit thoh eksamin ki khynnah, na ka liang jong u myntri rangbah u la ong ba ha kaba sdang ka don ka jingthut hynrei ia kane ka lah ban pynbeit na ka bynta kito ki khynnah kiba leit ban thoh eksamin.

Haba ia dei bad ki pulit kiba la phah da ka sorkar pdeng la pyndon kam ia ki sha Sohra bad bun na ki la pyndon kam ha Shillong bad ki don don shuh sa ar kompeni ki ban dang poi sha Shillong.

Haba ia dei bad ka jingjia ha Ichamati na ka liang jong u mytnri rangbah u la ong ba ymda la ioh ia ka kaiphot yn sa tip ia ki jingshisha baroh, ia mynta kam long kaba bha ban kren, hynrei ka jingjia ka long ha dien ba la wai ka jingialang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet