Kyntu  u Conrad na u Modi ban iathuh noh ia ka ktien Khasi bad Garo hapoh ka Eight Schedule

Shillong, Jylliew 17: U Myntri rangbah ka jylla u Conrad K Sangma lem bad ka kynhun myntri kila ia kynduh ia u Myntri Rangbah Duh jong ka Ri u Narendra Modi bad ha kane ka jingiakynduh la ai ia ka dorkhas ha kaba ia dei bad ki kam pynroi ha kane ka jylla Meghalaya.

Ha kane ka jingiakynduh na ka liang jong u Myntri rangbah ka jylla u Cornad K Sangma u la kyntu ia u myntri rangbah duh jong ka Ri India ban ai noh ia ka jingthuh ia ka ktein Khasi hapoh jong ka Eight Schedule jong ka Riti synshar ka Ri.

Na ka liang jong ka MP ka Tura ka Agatha K Sangma ruh kala ai ia ka dorkhas sha u myntri rangbah duh jong ka Ri ban kyntu ia ka sorkar pdeng ban ai noh ia ka jingithuh ia ka ktien Garo hapoh jong ka Eight Schedule.

Ha kane ka jingiakynduh na ka liang jong u Myntri rangbah ka jylla u la ong ia u myntri rangbah duh ka Ri ba la don kamb an don ia ka iing jong u President jong ka Ri India ha North East bad kata ka dei ban long ha Shillong namar ka Shillong ka don la ka jong ka khana pateng.

Lada don ia kane ka iing jong u President jong ka Ri India ha North East kan pynthikna ba u president jong ka Ri u dei ban poi sah artaiew sha North East bad kane kan pynsngew jan ia ki briew kane ka thain, namar kumba ka long mynta ki don tang ar tylli ki jaka, kawei ha Hyderabad South India bad kawei sha North India, ha Simla.

 

What Next?

Recent Articles

Leave a Reply

Submit Comment

*