Shillong, Nohprah 11: U nongialam ka liang pyrshah hapoh ka iing dorbar thawain ka jylla haba ia shim bynta ha ka jinglehkmen Wangala ka jingai nguh ia u Blei sngi ia kaba la pyndon burom ha Chibagre, West Garo Hills District u la kyntu ia ki paidbah ka jylla ban pynneh sah iala ka thymmei.
Ha ka jingkren u Dr Mukul ha kane ka jinglehkmen la kren da kaba shai ba lah ban pynisha ka pyrthei da kaba pynneh pynsah ia la ka jong ka thymmei, ka riti dustur, ka riti dutur ka dei ka jingsarang la ka jong, kumta kum ka jaitbynriew khasi Jaintia bad Garo ban ia treilang ban ia pynneh pynsah ia kine ki jinglehkmen ban pyni sha ka pyrthei la ka thymmei.
Ha kane ka jingia shim bynta ia ka jinglehkmen Wangala kaba lai sngi u ha Chibragre, North Tura, West Garo Hills u nongialam jong ka Trinamool Congress Legislature Party, la synran lang da u MLA ka party u Zenith Sangma, Meghalaya TMC MDC u Sadhiarani M Sangma bad kiwei kiwei ki nongialam ka party.
U Dr Mukul ym tang ba leit sha katei ka jingleh kmen hynrei u la ia shim bynta ban shad da kaba tem ia ka ksing ka dha ha ryngkat ki riew rangbah kiba la ia shim bynta ha kane ka shad Wangala kaba lai sngi lynter.
