Shillong, Jymmang 06: U R. R. Bhatnagar, IPS DG, CRPF mynta ka sngi u la wan jngoh ia ka jylla Meghalaya bad u la sah ar sngi ha kane ka jylla bad u la ia kren bad ki pulit CrPF kiba don ha kane ka jylla. Ha kane ka jingiakynduh u la ai ka jingiaroh ia ki namar ki la lah ban pynneh pynsah ia ka shong suk shong sain ha kane ka thain shatei lam mih ngi.
Ha kane ka jingiakynduh bad ki pulit CrPF u la twad jingmut ruh na ki ha kaba ia dei bad ka bha ka miat ka jong ki, ha ka liang ka koit ka khiah bad u la kyntu ba ka dei ban don ka jingiajan bad ki paidbah bad ha kane ka jingiakynduh la lah ruh ban weng ia bun ki jingeh jong ki pulit CrPF.
Ha kane ka sngi u DG CRPF ryngkat bad u IG CRPF, u Prakash D., IPS kila leit ban ia kynduh ia u Lat jong ka jylla Meghalaya u Tathagata Roy ha Raj Bhavan. Ha kane ka jingiakynduh bad u Lat jong ka jylla la ia kren ia ka jingdon bynta jong ki CRPF ha kaba pynneh pynsah ia ka shong suk shong sain ha kane ka thain. Na ka liang jong u Lat ka jylla u la ai ka jingiaroh ia ka jingtei kam jong ki CRPF.
