Kyntu u Lat ka jylla ia ki samla ban hikai ia ka jingialong paralok ban wanrah ia ka jingiatylli

Shillong, Risaw 29: U Lat ka jylla u Brig. (Dr.) B. D. Mishra (Ret d.) u phah ia ka jingkhublei sha ki paidbah nongshong shnong ka jylla Meghalaya ha ka sngi kha u Sardar Vallabhbhai Patel bad la tip kum u briew ba skhem ka Ri India, ia kane ka sngi kha la buh kum ka sngi jingiatylli ka Ri bad kane pynrung ia ka mynsiem ieit ri ha ki paidbah.

U Lat ka jylla u la pynkynmaw ia ka jingnoh syniang jong u Sardar Patel’s ba kumno u la lah ban pynia tylli ia ka Ri India bad ban iada ia kiba tlot bor kiba duk kiba rangli, u Lat la pynkynmaw ba kane ka jingrakhe ia ka jingiatylli ka Ri ka pynkynmaw ia ki por ba ka Ri ka dang ia leh ban ioh laitluid.

Kane ka jingrakhe ia ka jingiatylli ka Ri ka dei ka kabu ban pynrung ha ki khun samla ia ka jingmut jingpyrkhat ia ka hok ka deity kum ki nongshong shnong na ka bynta ka Ri kane kaei kaba u Lat ka jylla u iohi.

U Lat ka jylla u khot u wer ia ki paidbah nongshong shnong ka jylla bad jong ka Ri India khamtam ia ki khun samla ban pynrung ia ka mynsiem ia ieit paralok, ban ia burom mar kylliang bad wanrah ia ka jingiatylli kawei hapoh ka Ri, kane ka long katkum ka kyrwoh kaba la phah na Raj Bhavan Shillong.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet