Shillong, Jylliew 02: U myntri khynnah ba dei peit ia ka tnad ri jingri jong ka Ri India u Dr. L Murugan mynta ka sngi u la wan sha jylla Meghalaya ban wan jurip ia ki kam ri jingriha kane ka jylla, kyntup ia kam ri Dohkha bad ri Mrad bad ha kane ka jingwan sha Meghalaya la leit ban jngoh ia ka jaka ri dohkha ha shnong Umeit ha Ri Bhoi District bad ia mir jingmut ki nongri jingring katei ka thain.
Ha ka jingiakynduh bad ki nongri jongri u myntri ka sorkar pdeng u la pynhslur ba dei ban pynshlur ban kham pynbun ban ri ia ki jait dohkha kiba mih na kane ka jylla, ha dien katta u la leit ban jurip ia ka pung Umiam bad ha kane ka sngi u la pynlait ruh ia ki symbai dohkha ha katei ka pung.
Haba kren sha phang ka Pradhan Mantri Matsya Sampada Yojana (PMMSY), u Dr. Murugan u la ong ba ka sorkar pdeng ka pynleit jingmut kumno ban ialeh ban shna ia ki jigntei kiba ia dei bad ki kam pynroi ha ka kam ri dohkha ha kane ka Ri India bad kane ka jingiarap ka long ban kyrshan ia ki nongri dohkha, kum ki jaka shna thah, jaka buh ban pyndait thah, jaka thep ia ki dohkha bad u la kyntu ia ki paidbah ba kin shim kabu ia kane ka kam pynroi.
Ha ka jingiakren bad ki nongrem u myntri ka sorka rpdeng la ong ba ka sorkar pdeng kan pynlut T.20,000/- klur ha kine ki san snem ban wan katta 2021 haduh u snem 2025 ban kyntiew ia ki kam ri dohkha ha ka Ri, kumba ka long mynta ka don ka jingdawa kaba jur ban shallan ia ki dohkha na ka Ri India sha bar ka ri. Kumba ka long wat ha pdeng ka khlam COVID-19 na India la shallan dohha sha bar ka ri haduh T.59,000/- klur mynta us nem.
U Myntri ka sorkar pdeng u la pyntip sha ki nongrep ia kaei kaba ka sorkar pdeng kala buh ia ki jait skhim bapher bapher ban kyntiew ia ki kam ri dkhot ha ka ri bad haba phai sha ka jylla Meghalaya kaba u la wan jong mynta ka sngi ia ki jaka ri dohha u la pynpaw ia ka jingsngewhun ka jong u ia ka jingpyntrei kam ia ka skhim rih dohkha ha ka jylla.
