Kyntu u Myntri Rangbah ka jylla ia ki samla ba kin long ki nongseng kam ym ki nongwad kam

Shillong, Jylliew 09: ka Ramakrishna Mission mynta ka sngi kala pynlong ia ka jingpynkup burom ia ki samla kiba lConrada lah ban pyndep ia ka jingshah hikai ha kaba ia dei bad ki kam computer ia kane ka jingpynkup burom la tip kum ka “Computer and Language Trainees’ Convocation” ia kaba la pynlong ha  Ramakrishna Mission, Vivekananda Cultural Centre, Shillong, ha kaba u myntri rangbah ka jylla u Conrade K Sangma  u la ong u kongsan.

Ha ka jingkren jong u myntri rangbah ka jylla u la ai ka jingiaroh ia ki samla kiba la pyndep ia kane ka jinghikai, u myntri rangbah u la ong ba ki samla ki don ia ka bor kaba khraw ha kaba don kam ban pyndon ia ki ha ka lynti kaba dei da ki nongthaw ia ki polisi trei kam na ka bynta ka jingmyntoi jong ki ba bun ba lang bad kane kan iarap ia ka jylla ha baroh ki liang bad ia ka Ri hi baroh kawei.

U myntri rangbah u la pynshlur ia ki samla ba kin sdang ia ki jong ki kam ki jam ki jong ki bad u la kyntu ba kin long ki nongpynmih kam ym ki nongwad kam bad lada lah ban leh ia kane kan sa wanrah ia ka jingkylla ha ka ioh ka kot jong ka jylla hi baroh kawei, ban leh ia kane don kam ban shim ia ka jingkheinduh namar ba kam don da kawei pat ka lynti kaba lyngkot ban iaid ban poi sha ka thong, u la ong “Ngeit ia nga kan sa wan rah ia ka jingkylla”.

U la ong ha kaba sdang kin don bun ki jingduh hynrei wat duh jingkyrmen, na ka jingduh shim ba kan long ka jinghikai bad ha kawei ka sngi phin sa poi sha ka jingjop, u la iathuh ba ha ka jingiakren jong u bad ki briew jong ka ADB ba kin sdang ha ki jaka pule ia ka ktien Japan bad kane kan iarap ha kaba ki lah ban shah khot trei sha bar jong ka Ri ruh. Ha kane ka sngi u mytnri rangbah u la sam ruh ia ki khusnam sha ki samla kiba la pyndep ia ka jinghikai ka jong ki.

Kiwei kiba la ia don lang ha kane ka sngi ki long ka Principal jong ka  St. Mary’s College, Shillong, Dr. Sister Mary Harriet, Secretary, Ramakrishna Mission, Shillong, Swami Sarvabhutanandaji Maharaj, Secretary, Ramakrishna Mission, Sohra, Swami Anuraganandaji Maharaj and Asst. Secretary, Ramakrishna Mission, Shillong, Swami Vedasaranandaji Maharaj ruh la ia don lang ha kane ka sngi.

 

What Next?

Recent Articles

Leave a Reply

Submit Comment

*