Shillong, K. Lyngkot 07: u Bah Pretone Tynsong u symbud Myntri rangbah ka jylla u buh ka jingkyrpad ia ki nongtrei ka EMRI 108 ba kin pynsangeh noh ia ka jingiakhih jong ki,ha ka juh ka por la ong ba ka sorkar kan sa bishar ia ka jingdawa jong ki wat ia ka jingiateh kular bad ka kompeny ka ban sa kut ha u bnai Lber 2022.
U Symbut Myntri rangbah ka jylla la onng ba ki nongtrei EMRI 108 kiba don hapoh ka kynhun jong ka lama jong ka MEMRIWU ki la sdang ia ka jingiakhih jong ki naduh ka 4 tarik janmied mynta u bnai ban dawa na ka sorkar ban pyndam noh ia ka jingiateh bad ka company GVK.
U bah Tynsong u la ong ba ki nongtrei EMRI 108 ka dei ki nongtrei riewshimet bad ki la wan ruh ban ia kynduh ruh ia u ban pynpaw ia ka jingdawa jong ki, bad ka jingdawa jong ki ka long ban pyndam noh ia ka contract bad ka company hadien ba ka la kut ha u bnai Llber 2022.
U Bah Prestone u la ong ba ha ka jingiakynduh bad ki nongialam katei ka seng u la dep ong ia ki ba na ka liang ka sorkar kan sa bishar bad kan rah ruh ia kane ka mat hapoh ka jingialang jong ki kynhun myntri bad nga kyntu ia ki ba kin pynkut noh ia ka jingiakhih jong ki namar ba wat ka soskular jong ki ruh ka la kut ha u bnai Lber 2022.
