Shillong, Lber 05: U Mytnri ba dei peit ia ka tnad bor ding jong ka sorkar jylla u James K Sangma u la ong ba ka jingiakren bad ka sorkar pdeng ban ia pynbeit ia kane ka jingeh kala iaid sha khmat bad na ka liang jong u myntri ka sorkar pdeng u RK Singh u la ai ka jingkular ban sa peit ia kane.
Ha ka jingiakren bad u myntri ka sorkar pdeng na ka liang jong ka sorkar Meghalaya kala pynpaw ba kane ka jingleh jong ka NPTC kala ktah ia ka jylla khamtam ha kane ka por ba don eksam ki khynnah bad ha ka juh ka por ka dei por kut snem ha ka mang tyngka jong ka sorkar kan buh ruh ia ka sorkar ha ka jingeh ban pynbeit ia kane.
La ong ba kane ka jingeh ka dei na ka jingiateh kular ha u snem 2007 ba ka sorkar bad ki kompeni pynmih bor ding, ha ka jingshisha ka sorkar kam shym shim bing na ka NPTC hynrei namar katei ka jingiatehkular ka sorkar ka hap ban siew wat la khlem shim light ruh.
Na ka liang jong u myntri ka tnad bor ding u la ong ba shen kin sa la lah ban ia pynbeit ia kane ka jingeh bad ka sorkar pdeng bad u myntri ka sorkar pdeng u la ai ka jingkular ba un sa shim khia ban peit ia kane ka jingeh.
