Kyrmen skhem ka UDP ba ka sorkar pdeng kan pyntrei kam ia ka ILP ha Meghalaya

Shillong, Kyllalyngkot 23: Ka General Executive Committee (GEC) jong ka party United Democratic party (UDP) kaba la long mynta ka sngi kala ia thir halor ki lai tylli kip hang, kawei ka Inner Line Permit, ka Citizenship Amendment Act, 2019 bad ka Ilekshon MDC shiteng samoi ha 26-Langrin MDC Konstitwensi.

Haba kren ha ki lat pathai khubor ha dien ka jingialang u Working President jong ka party u bah Bindo M Lanong u la ong ba ka GEC kala ia kren halor ki lai tylli ki phang,  ka Inner Line Permit, ka Citizenship Amendment Act, 2019 bad ka Ilekshon MDC shiteng samoi ha 26-Langrin MDC Konstitwensi.

Haba ia dei bad ka ILP na ka liang jong ka party UDP ka don ka jingkyrmen skhem ba ka sorkar pdeng kan pyntrei kam ha kane ka jylla Meghalaya, ka party ka ai ruh ia ka jingmynjur ia kaei kaba ka iing dorbar kala pdiang ban pyntrei kam ia ka ILP ha kane ka jylla.

Haba ia dei bad ka Citizenship Amendment Act 2019, na ka liang jong ka party ka pyrshah ia kane bad kumba ka long mynta kane ka kam kala don hapoh ka iing bishar ba ha khliehduh jong ka Ri India bad ia kaei kaba kala shim rai na ka liang ka party UDP ka pdiang sngewbha.

Haba ia dei bad ka ilekshon MDC shiteng samoi ha 26-Langrin MDC Konstitwensi u Dr Jemino Mawthoh u la iathuh ba ka party na Ranikor kala phah ia ka kyrteng jong u bah Pius Marwein, hynrei ka party kam pat shim ia ka rai ba kin ia kren shuwa hapoh jong ka kynthun Regional Democratic Alliance (RDA) shuwa ban shim ia ka rai.

What Next?

Recent Articles

Leave a Reply

Submit Comment

*