Kyrmen u Myntri Rangbah ba hapoh 48 kynta yn lah ban weng ia kane ka jingpynlip light: Conrad

Shillong, Lber 04: U myntri rangbah ka jylla u Conrad k Sangma u la ong ba ka jingiakren bad ka tnad kam bording ka sorkar pdeng bad kyrmen ba ia kane ka jingpynlip light lah ban pynbeit hapoh 48 kynta.

U myntri rangbah la iathuh ba ka jingiakren bad ka tnad kam bor ding kan dang iaid la shai ka sngi bad ka tnad kam bor ding ka sorkar pdeng ban weng ia kane ka jingeh ban pynlait na ka jingpynlip light ha ka jylla.

U myntri rangbah, u la ong ba ka pisa ba sahi bad ka NTPC kam dei kabar thymmai, ka sorkar kala siew T. 100 klur bad ka ba sahi T. 400 klur ka sorkar kan sa siew ynda la ioh ia ka pisa na ka Rural Electrification Corporation.

Kumba ka long na ka T. 1300/- klur la dep ioh T. 300 klur bad ka sorkar kala siew T. 100 klur, kaba dangsah ka long T. 1000 klur, ynda ka sorkar kan ioh ia kane ka pisa kan sa siew ia ka bai light ba dangsah, kane ka jingia kren ban ioh ia ka pisa ka dang iaid.

U myntri rangbah ka jylla u la iathuh ba ka sorkar kam shym shim light shuh na ka NTPC kaba pynlyngoh ka long ba kumno kan khangress ia ka jingai bor ding sha ka jylla namar ka pisa ba sahi kam dei kaba thymmai, kane ka dei ka phang ba ia kren bad ka tnad kam bor ding ka sorkar pdeng.

Na ka liang u myntri rangbah u la ong ba kane ka dei ka kam kaba long bniah yn nym lah ba batai than, ka jingshisha ka long ka sorkar ka ialeh ban weng ia kane ka jingeh bad kyrmen lah ban weng noh hapoh ka 48 kynta.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet