Shillong, Lber 25: Halor ka jingbethah jong ka sorkar pdeng kaba la mih mynnih ka sngi halor ka jingkhang ia kaba la tip kum ka Lo
ckdown, na ka liang jong ka sorkar ka kyrpad rit ia baroh ki nongshong shnong ha ka jylla, sngewbha sngewbha shong khop ha iing “Home Quarantine” shong ha la ki iing ban iada ia kane ka khlam kaba sherkhei kumba la ia iohi.
U Symbut myntri rangbah u la ong ba namar teng teng, na ka liang jong ka sorkar ka sngewsih ban iohi ba don kiba iai iaid ia ieng khlem don kam, don kiba kwah ban leitkai pynbnan, don kiba ia leit ban ia bam khana sngewbha, na ka liang ka sorkar ka kyrpad sngewbha, sngewbha bud ia kane, namar kane ka long ka iap ka im jong ka jylla jong ngi baroh kawei.
Lada jia ba ioh iwei, ka long kaba shitom ban khanglat, na ka liang jong ka sorkar ka kyrpat rit ka long, naduh ki seng niam, ki nongialam niam ki bapher bapher haduh ki seng bhalang bad khamtam eh ia ki synjuk jong ki nongsynshar shnong ba kin sngewbha ban ia treilang bad kane ka rai jong ka sorkar khnang ban pynthikna ba ki paidbah ka jylla ki don ha ka jingshngian.
Haba ia dei bad ki jhur ki jhep kiba na nongkyndong, ka sorkar ka dang ia kren mynta bad ki nongkhaii jhur ba ki dang ia kren bad ki ba leh se lada long kaba lah ba kin lah ban wan ha ka juh ka kynhun ban leh da la online system ia ki jhur ban leit na ki jaka bad nangta pat de kin pynpoi sha ki jaka die khutia.
Ha ka juh ka por ka sorkar ka pynshlur ia ki nongkhaii lada long kaba lah ba kin leh ia ka jingiadie lyngba ka online, lada lah ban pynpoi sha ki iing ki sem, halor kane ka sorkar ka dang wat ia ki lad ki lynti na ka liang ka tnad rep bad ki Deputy Commissioner.
Lada don ki nongkhaii la jong kiba lah kiba don ia ki briew na ka liang jong ka sorkar kan pynshlur ia kata ba kin lum ia ki jhur, ia ki jingbam lane bad ia u khaw ruh ban pynpoi ha iing ha sem lane ban pynpoi ha ki jaka kiba ka sorkar kan sa pynbeit hapdeng ki Deputy Commissioner bad ki dorbar shnong, la ong u Bah Prestone Tynsong symbut myntri rangbah ka jylla.
