Shillong, Naiwieng 26: Ka Tezing Dolma President ka seng kynthei jong ka Tibetan Women’s Association kala wan sha Meghalaya ban kyrpad lem ia ki seng sain pyrthei na kane ka jylla ban ai ka jingkyrshan ia ki ban pynioh ia ka jinglaitluid na ka kti jong ka Ri India China.
Haba kren ha ki lat pathai khubor ki paidbah Tibet kid a pynpaw ka jingsngewnguh kaba khraw ia ka sorkar India kaba la pdiang ia ki sha kane ka Ri haba kila shah dkhol jubor ia ka ri jong ki ka Tibet ha ka China ha u snem 1959, naduh katei ka sngi ki jaidbynriew Tibet kila shah ban bein ha ka ri China haduh mynta.
Kum ka kynhun ki seng kyhthei kiba don ha 58 tylli ki ri jong ka pyrthei ki kyprad ia ki ri jong ka pyrthei ba kin ai lem ka jingkyrshan ia ki Tibet ba kin ioh biang ia ka jinglaitluid na ka jingshah knieh jubor ha ka Ri China, kumba ka long mynta kila kylla long ki rit paid hala ka jing ka Ri.
Ka Dolma kala ong ba ka don ka jignma kaba khraw ia ki Ri South East Asia da ka jingtei ka China ia ki Dam haduh 3000 tylli tang ha Tibet bad kane kan ktah ia ka umbam umdih ha ki snem ban wan ban ia khun pyrshah ia kane ki don kam ia ka jingkyrshan jong ki ri ka pyrthei.
Ha kane ka sngi ka Dolma kala pynshai ba ka don ka jingiaher hapdeng ki Tibet bad ki Bhutia, ki Tibetan ki dei na ka Ri Tibet bad ki Bhutia ki dei na ka Ri Bhutan, ka jingialeh ban ioh ia ka jinglaitluid dei ka Ri Bhutan kaba la shah knieh ha ka China.
La ong ba ki Tibet kiba la poi sha kane ka nongbah Shillong ka dei naduh u snem 1960 ha ka por jong ka jylla Assam bad mynta ka jylla Meghalaya, na ka liang jong ki jaidbynriew Tbiet ki ai ka jingkhublei ia ka sorkar India bad ia ka sorkar Meghalaya kiba la ai jaka rieh ia ki jaidbynriew Tibet.
Kum ki jaidbynriew Tibet mynta ki dang wat ia la u nongialam niam jong ki u Panchen Lama mynta la 26 snem kim tip shaei u don, u Panchen u dei u ba ar ha ka kyrdan hapoh ka niam Buddhist na ka liang jong ka jaidbynriew Tibetan ki wat ia u shaei u don.
