Shillong, Jylliew 08: U Bah A Khonglam Secretary jong ka seng Meghalaya Government Contractual LP School Association u la kyntu ia ka sorkar ban ailat ia ki nonghikai kiba phail MTED ban thoh eksamin biang.
Na ka liang jong ka seng ka kyntu ia ka sorkar ba kan pynneh ia ki haka kam bad ban ialat biang ia ki ba kin thoh biang ia kane ka eksam. La iathuh ba baroh ki nonghikai kiba la don ha ka kam kiba la thoh ia kane ka eksam ki long 1220 ngut bad kiba pass ki long 120 ngut.
Na ka liang jong u Bah Khonglam u la ong ba kine ki nonghikai kila trei ia kane ka kam mynta la palat da ki phew snem hynrei kumba ka long mynta kin sa shah weng na ka kam namar bad kim pass ia katei ka eksam.
La kyrpat ruh ba ka sorkar ka dei ban pyrkhat namar bun na ki kila palat rata ban wad kam shawei, ka seng ka seng ba namar ba kila trei slem ha ka kam ka sorkar ruh kan pyrkhat lem na ka bynta jong ki namar kila don ha ka kam.
Ha kane ka sngi u Bah Khawkupar Kharsahnoh u la ong ba kane ka jingai kontrak ka sorkar ia ki nonghikai kiba dang ia beteng mynta kan kut ha ka 17 tarik mynta u bnai jylliew dei na kane ka daw ba ka seng ka kyntu ia ka sorkar ba kan nym beh kam ia ki hynrei kan ailat biang ia ki bakn thoh ia ka eksamin MTED.
