Kyrpad kiba ha iing bad ka AMDA ban ai jingkyrshan ia ka Daphishisha bad ia u Palden

DanceShillong, Nohprah 05: Kat jaid bynriew khasi katba dang mih ki sngi kila dang paw ha kiba bun ki liang bad wad ha ki kam hikai shad bad ha ka jingshad ruh wad la ka jylla kam don ia kita ki jaka ai jinghikai kiba biang. Ka jingpoi jong ki samla khasi sha ki kyrdan ba shalor ha ki jingiakop shad bad hikai shad dei na ka jingdon sap ka jong ki.

Ka seng All Meghalaya Dancers Association (AMDA) hapoh ka jingialam jong u Bah Kitbok Thabah mynta ka sngi kala kyrpad ia ki paidbah jong ka jylla ba kin ai ka jingkyrshan da kaba but na ka bynta u samla Palden Mawroh u ba ia khun ha ka jinghikai shad kaba pyni mynta hapoh jong ka Sony TV.

Kawei ka khynnah samla ka Daphishisha Kharbani kaba ia khun mynta ban poi sha ka jyrdan kaba 10 hapoh jong ka Dance India Dance kiba pyni lyngba katei ka juh ka shanel ka Sony TV. Na ka liang jong u Bah Thabah u kyntu ia ki paidbah ki seng bhalang ba kin ai ka jingkyrshan ia kitei ki samla ar ngut kiba mih khmat ia ka jylla ha kitei ki jingiakop hapoh ka Ri.

Ka kong Marbela Mawroh ka kmie jong u Palden Mawroh kala ong ba ka dap ka jingkmen ban iohi ia ki khun samla jong ka jylla kiba la poi ha ki jingiakop kiba kham sha jrong kane ka jingpoi ka jong ki dei ka sap kaba ki don wat la ka jylla kam don ia kita ki jaka ai jinghikai ha kaba ia dei bad kane ka kam shad. Ka kyrpad ia ki paidbah ba kin ai ka jingkyrshan da kaba but na ka bynta jong ki.

Ka samla Annie Kharbani ka hynnem jong ka Daphisha Kharbani ruh kala kyrpad ia ki paidbah ba kin sngewbha ba but lem na ka bynta jong kine ki ar ngut ki samla kiba don mynta hapdeng ka jingiakop hapoh jong ka sor Bah Mumbai, ka jingjop ka jong ki ka dei ka jingjop jong ka jaidbynriew ka la ong.

What Next?

Recent Articles

Leave a Reply

Submit Comment
*