Shillong, Rymphang 9: Mynta ka sngi u Myntri Rangbah ka Jylla u Conrad K Sangma, ryngkat u Lamphang ka iing dorbar thawain ka jylla u bah Metbah Lyndoh kila ia kynduh ia ka Myntri pla pisa jong ka sorkar pdeng ka Nirmala Sitharaman ha nongbah Delhi.
Ha kane ka jingiakynduh na ka liang u Conrad u la kyntu ia ka myntri pla pisa ban pynneh ia ka bhah jong ki khajna kiba dei jong ka jyllajylla kiba deo ban ioh na ka sorkar pdeng. Ha kane ka sngi u myntri rangbah la kyrpad ia ka myntri pla pisa ba dei ban pynlait biang por ia bhah sha ka jylla.
U Myntri Rangbah ka jylla u la pynsngew ruh ba ki don bun ki skhim ha ka jylla kiba la ai jingkyrshan ba kyrpang na ka sorkar pdeng, u myntri rangbah u la kyrpad ia ka myntri ba kan iarap pisa ban pyndep ia ki skhim kiba dang sah ha ka jylla.
Ha kane ka sngi la ia kynduh ruh ia u myntri ka tnad pule ka sorkar pdeng bad la ia kren ha kaba ia dei bad ka NIT ha Sohra bad la khot sngewbha ruh ban wan plie ia kane ka ja ka pule, la kyrpad ruh ban bei pisa ban pyndep ia kane ka jaka pule, ha kane ka juh ka sngi la ia kynduh ia u myntri ba dei peit ia ki riewlum, la pyntip u myntri rangbah lyngba ka twitter.
