Shillong, Naitung 12: U Deputy Commissioner jong ka Ri Bhoi District u la ai jingbit ia ki seng bhalang ba kin pynlong ia ka jingialang paidbah kumba ki la pan jingbit ban pynlong la shai ka sngi ha Sajer hapoh iing dorbar hall jong ka shnong Nongpoh. Katkum ka jingbit kaba la pan da ki seng bhalang ka long ba ka jingialang kan sdang ha ka por 11.00 baje mynstep.
Kane ka jingialang paidbah kaba la khot da ki lai tylli ki seng, ka HNYF, ka FKJGP, bad ka RBYF, ka phang ka long ban pynsngewthuh ia ki paidbah kaba ia dei bad ka jingma lada kane ka lynti rel ka wan sha kane ka jylla khlem da don ia ki ain ban khanglad ia ka jingwan rung kyrthep jong ki briew kiba na shabar. Ha ka juh ka por ban pyrshah ia ka jingshna ia ka lynti rel katba ym pat lah ban shna ia ki ain ban khanglad ia jingwan rung kyrthep ki briew kiba na bar sha kane ka jylla.
