Shillong, naitung 26: Na ka daw jong ka jingslap jur palat ha kine ki sngi ka surok ban leit sha ki thain Nongjri, Borosra sha Baghmara kala twa ha Lailad bad ha 25-mile bad kane kala pynlong ba ka leit ka wan sha ki tei ki thain kala sah kut mynta la ar sngi naduh sngi u blei haduh mynta ka sngi.
Ki shnong kiba la shah ktah na kane ka jingtwa surok ki long da ki phew tylli, ki thain Borsora, Nongjri, Kulang, Maheskhola , Khonjwai bad bun kiwei dei ki shnong kiba don ha katei ka thain. Laong ba bun na ki kali kiba don sha kane ka jaka kila sah kut lut.
U Bah Deisar KYndiah SDO jong ka Rankor PWD Division haba kren ha u nongai khubor u la iathuh ba ka dei ka jingshisha b aka surok kala twa ha Lailad ha ka sngi U blei bad mynta ka sngi lah ban pynlait ia kane ka surok, hynrei ka dang don ka jingtwa pat ha 25-mile ha ka jaka kab la tip kum ka Mawshun.
La ong ban a ka liang jong ka PWD kala bthah ia ki briew ba kin trei ban pynlait ia kane ka surok ha kaba ki briew kiba dei na katei ka thain kin nym shah kut ha ka leit ka wan, La ong ba lakumno kumno kin ialeh ba la shai ka sngi kin lah ban pynlait ia kane ka surok, la ong u Bah Kyndiah SDO.
