Shillong, Kyllalyngkot 24: Mynta ka sngi u Deputy Commissioner jong ka West Garo Hills District la pyntip ba la buh ia ki kynhun thwet ba kyrpang kiba la tip kum ki “Flying Squad” ha baroh 11 tylli ki Konstitwensi kiba don ha District.
Ka jingbuh ia ki Kynhun thwet ba kyrpang da ka Election Commission jong ka Ri India ka long ban pynthikna ba ka elekshon sha ka iing dorbar thawain ka jylla ha Meghalaya ka ban long ha ka 27/2/2023 kan long kaba iaid beit.
Kane ka kynhun ka long ruh ban beh sha ki jaka ba ki ioh jingujor na ki briew kiba hap hapoh ka konstitwensi kaba ki dei peit, ban thwet bad ban khanglad ia ka jingpyndon kam pisa ha kane ka elekshon ban pynthikna ba ka elelskhon kan long kaba iaid beit.
