Shillong, Naitung 29: Ka long kaei kaei kaba ym lah ban pyrkhat ba ka MeECL bad u myntri jong ka Hima Mylliem u ba peit ia ka Iewduh, ba kim don jingtip ba u ding post light u ba ieng ha basa tynpew ha Iewduh u la dep bam sarang na trai haduh ban da dkut.
Kaei kaba la pynlong ia u ne u ding post light ban dang ieng ha katei ka jaka ka long ba dei ha slep jong ka wei ka dukan die jain kaba ia kane ka slep la dhalai sawdong ia u ne u ding post light. Wat la katta ka don ka jingma kaba khraw ia ki briew kiba shong dukan ha katei ka jaka namar u lah ban khyllem ha kano kano ka por.
Haba u SP News Agency u la ia kren bad ki briew kiba shong dukan sawdong katei ka jaka ki la pynpaw ba ki don ka jingma khamtam ha ka por ba don ka jingbeh lyer kaba jur ha kaba u lah ban khyllem ha kano kano ka por. La iathuh ba ka jingdkut jong u ne u ding post light na trai kala jan dap mynta shi snem.
Khlem da kwah ban pynpaw kyrteng kila ong ruh ba ia kane ka jingbam sarang ia uneu ding post light kila pyntip ha u myntri jong ka ha Hima Mylliem ba dei peit ia ka iewduh namar kim tip sha ri ban leit ban ujor, hynrei kane kala sah mynta la shisnem tam ne duna .
Ka jingbam sarang jong ki ding post light ha kane ka jylla Meghalaya ka long ha kylleng ki shnong bad wat ha kane ka nongbah Shillong ruh kum juh ia kaba ka MeECL imat kam don ia ki briew ban peit ban ai jingtip sha ophis na ka ophis kam shym la buh briew ban peit ia kum kine ki ding post light kiba la bam sarong.
