Shillong, Iaiong 09: U Symbut myntri rangbah ka jylla u Bah Prestone Tynsong u la iathuh ba haduh mynta la dep ban test ia ka ‘Swap Test” 123 ngut ki briew ha ka jylla bad baroh ki long “Negetive” kaba mut ba ka jylla Meghalaya ka dang lait na ka jingpang Corona Virus haduh mynta.
Haba kren ha ki lat pathai khubor na ka liang jong u symbut myntri rangbah u bah Prestone u la ong ba ka sorkar ka long kaba la khreh ban ia kynduh ia kano kano ka jingeh lada jia ba don ba pang COVID-19.
Ka sorkar kala pynreh ruh ia ki jaka kyrpang ban ai jingsumar ia ki nongtrei ka koit ka khiah. Ka sorka kala dep ban pynkreh ia ki Corona Isolation centre ha Shillong bad tura ha kito ki jaka kiba la dep ban pynbna mynshuwa.
Haba ia dei bad ka jaka test ha Tura, la ong ba ka jingpynkhreh kala dang iaid sha khmat ha kaba ia dei bad ki jingbit bad kum juh ban wanrah ia ki mashin bad ka jingtei ruh kala iaid sha khmat bad lehse hapoh shitaiew yn lah ban pyndep ia kane ka jingtei ban sdang ia ka jaka test hapoh Tura.
