La dep thaw ia ki “Village Water Sanitation Committee” ha baroh ki shnong ha jylla: Samlin

Shillong, Nailur 18: U Myntri ba dei peit ia ka tnad sam um jong ka jylla u bah Samlin Malngiang u la iathuh ba ka tnad sam um jong ka jylla kala dep ban thaw ia ki “Village Water Sanitation Committee” ha baroh ki shnong ha ki nongkyndong jong ka jylla Meghalaya.

Haba kren ha u SP News Agency na liang jong u myntri u la ong ba ka thong jong ka sorkar ban pynioh ia ka um sha ki iing ki iing ha ki nongkyndong baroh kan long ha u snem 2023 bad kane ka jingtrei kala iaid sha khmat mynta ha kane ka jylla kaba la tip kum ka Jal Jeevan Mission kaba dei ka sorkar pdeng.

Haba jubab ia ki jingkylli na ka liang jong u myntri u la ong ba ka jingthaw ia ki VWSC ka long ba ka shnong ruh kan don bynta lang ha kaba peit ia ki tyllong um bad ha kaba ia dei ruh bad ka jingri sumar ia ki tyllong um ryngkat ka tnad sam um jong ka sorkar jylla.

U myntri u la iathuh ba la dep ban thaw ia ki Kommittee ha baroh ki shnong kiba hap ha ki nongkyndong bad ka tnad sam um jong ka jylla na ka bynta ban peit kane ka skhim sam um sha ki nongkyndong ban pynpoi ia ka um sha ki iing ki iing kan neh bad kan sah da ka jingiadon bynta lang jong ki bor shnong.

What Next?

Recent Articles

Leave a Reply

Submit Comment

*