Shillong, Naitung 08: Ban pynbha ia ka surok kaba la twa ha Wahmawlangdiar , ha rait Mawksir kan shim por bad kane kan buh ia ki paidbah ka tei ka thain ha pdeng ka jingeh kaba khraw namar da ki bun phew tylli ki shnong kiba hap ban iaid na kane ka surok.
Ka jingeh kaba nyngkong ka long ha kaba ia dei ban kit ia ki marbam ha kaba ki hap ban shu ia kylliang na kawei ka kali sha kawei pat da kaba pynkit da ki briew bad kane kala wanrah ia ka jingkiewdor ki marbam mar dih ha katei ka thain.
Ka jingktah ia ki paidbah jong katei ka thain ha long ha kaba pynpoi ia ki marrep ka jong ki sha ki iew ki hat namar kam don shuh da kawei pat ka lynti ban iaid da ka jingdkut jong kane ka sruok.
U MDC jong ka Mawsynram u Bah Alvin Sawkmie mynta ka sngi u la leit ban jngoh hi da lade ia kane ka jaka bad u la ia kren bad u Engineer kumno ban leh, kham pynsted ia ka kam namar ka jaka ban pynheh ia ka surok dei u Mawsiang.
Naka liang jong u MDC u la ong kala don kam ban wad jaka ban pyniaid surok noh na shawei, khnang ba lada jia ba ka don ka jingtwa khyndew ki paidbah kin ioh iaid na shawei pat hynrei kumba ka long mynta ym don lynti da kumwei pat.
