La ia beit ka GVK kompeni bad ka MEMRIWU, yn sdang biang ia ka 108 Ambulance

Shilong, Naiwieng 29: U myntri ka koit ka khiah u Bah AL Hek mynta ka sngi u la khot ia ka jingialang hapdeng ka GVK Kompnei bad ki nongialam jong ka Meghalaya EMRI Workers Union (MEMRIWU) bad ha kane ka jingialang lah ban ia pynbeit bad mynta yn sdang biang ia ka 108 Ambulance.

Na ka liang jong ka GVK Kompnei u Deepankar Choudhury  State head jong ka GVK kompnei  haba kren ha ki lat pathai khubor ha dien ba la wai ka jingialang u la ong ba ha kane ka jingialang la lah ban ia pynbeit bad ia ka jingpyniaid ia ki 108 Ambulance kan sdang noh.

La iathuh ba 35 tylli ki kali ambulance ki don ha phyllaw jong ka ophis jong u Director Health Services bad 24 na ki la dep ban peit bniah bad mynta ki nongniah ki dang hap ban peit kaei kaba don kam ban leh na ka bynta ka jingbit jingbiang ka kali.

Haba ia dei bad ka jingpynmih na ka ophis jong ka GVK Kompnei ban weng ia ki nongtrei kane kala iap kam nym trei kam shuh, haba ia dei bad ka tulop jong ki ar bnai ba ki ia khih kata ki hap ban ia pynbeit bad ka sorkar hynrei ban siew ia baroh ar bnai kin nym lah hynrei ka jingsiew kan don.

Haba ia dei bad ka jingdawa jong ki nongtrei, haba ia dei bad ka jaka trei kin ialeh ban buh ha ki jaka katkum ki District, lait noh tang haba ym don briew ka hap ban peit. Haba ia dei bad ka jingdawa ban pynkiew ia ka tulop, la ong ba kim lah ban pynkiew 100% hynrei kala don ka jingpynkiew.

U Bah Roypar Kharraswai president jong ka MEMRIWU, u la ong ba ha kane ka jingiakren mynta ka sngi la ia pdiang lang wat la kim shym ioh ia ka jingdawa jong ki hynrei kila don ki jingdawa ba kila ia mynjur lang bad mynta kin sdang noh ia ka jingtrei kam jong ki.

Haba ia dei bad ka tulop jong kine ki ar bnai kila ia kren ba lada kim lah ban ioh baroh ruh hynrei ka sorkar bad ka GVK kompeni kin sa ia pynbeit ban peit ha kaba ia dei bad ka jingsiew ia ka tulop jong ki namar ki ruh kila buh ia ka jingkyrpad.

Halor ka jingdawa ban pynkiew 100% ia ka tulop bad 30% ka jingpynkiew tulop man u snem, ka jingdawa jong ki ka long na ka sorkar, hynrei ha kane ka jingiakren mynta ka sngi ka sorkar kala kren shai ba kan nym lah, na ka liang jong ka GVK kompeni kala ai ia ka kular ban pynkiew noh 10% ka tulop, 10% ka tulop kan kiew man u snem bad 10% kiwei kiwei ki jingpynkiew haba khein kala kot 30%.

Haba ia dei bad ka jingdawa ba ka sorkar ka dei ban shimti ia kane ka jingpyniaid ia ki kali 108 Ambulance kam kut, namar ka jingiakut hapdeng ka sorkar bad ka GVK Kompnei kan kut ha u snem 2021. Na ka liang jong ka seng  ka pynpaw ia ka jingkhublei ia baroh ki seng kiba la ai ka jingkyrshan ia ki ha ki ar bnai ba kila ia khih. Lah ban pynkynmaw ba ka jingiakhih kala neh ar bnai haduh ban da lah ban pynbeit mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet