Shillong, Jylliew 19: U Myntri Rangbah ka jylla u Conrad K Sangma ha ka jingleit jngoh ka jong u ia ki bynta jong ka surok bah NH-6 ha East Jaintia Hills u la ia kynduh ia ki draibar trok kiba sakut ha kane ka jingtwa khyndew kaba la long ar sngi mynta.
Ha ka jingiakynduh ia ki draibar u Conrad u la ong ba kin ioh ia ka bam kim dei ban khuslai ka sorkar kan ai iaka bam na ka bynta jong ki,ia kane ka jingeh la pynsngew ruh da ki draibar trok ba ki don ka jingeh ban ioh bam.
Ha kane ka jingleit sha Jaintia Hills mynta ka sngi u myntri rangbah u la pynlong ruh ia ka jingialang bad ki ophis jong ka East Jaintia Hills District ban ia kren halor kane ka jingshah pynjulor ha ka mariang bad la bthah ba kin long kiba peitngor ban iarap ha kano kano ka por ba don kam.
Haba ia dei bad ki draibar sah kut na ka liang jong u myntri rangbah ha ka jingialang bad ki ophisar u la btah ba ki dei ban da peit bha kumno ban iarap ia ki ba kinioh ia ka bam bad ka um dih.
U Myntri rangbah u la ong ba lada don ki jaka ba ym lait shuh ban leit lane kila sah kut da don kam ban rah ia ki ki helicopter ruh ki bor jong a District Administration ki dei ban pyntip sha ka sorkar lada don kam ban pynpoi ia ki mar bam, namar ka sorkar kala ia kren bad ka kynhun shipai Indian Air Force na ka bynta ban pynpoi ia ki marbam.
