Shillong, Iaiong 13: Mynta ka sngi ka kabinet kala ia shong ban ia kren halor ka rai jong iing bishar jong ka High Court Meghalaya ha kaba ia dei bad ka jingthung kam katkum ka bah thung kam kaba ka jylla kala bud mynta la 50 snem, la ong u myntr9i rangbah ka jylla u Cornad K Sangma.
U Mytnri rangbah la ong ba kane ka jingiakren kaba la long mynta ka sngi ka dang long hapdeng ka jingpynkhreh ban jubab sha ka iing bishar da Affidavit bad kumba ka long mynta ki dang hap ban pyndap shuh shuh ha ka affidavit bad kin dang ia shong biang ban ia kren ha kine ki khyndait sngi ban wan.
Ka jingialang kaba la long mynta ka sngi ka kabinet kam shym la shim rai ei eie ruh em hynrei kin dang ia kynduh biang na ka bynta ban pynkhreh ia ka affidavit kaba ka sorkar kan ai sha iing bishar, kane ka dei ka kam kaba ki dang ban peit bniah bha bad ka sorkar ka dang lum shuh shuh ia ki jingtip.
U Myntri Rangbah ka jylla la ong ba kane ka jingpynbeit runtih ia ka jingthung kam shym la leh ha kine ki 50 snem lynter , dei ha kane ka sorkar kaba mynta kaba kila sdang ban buh ia ka jingpynbeit ryntih ha kaba kila sdang na ka tnad shna surok jong ka jylla bad kam don ruh kane ka jingbuh ryntih na ka bynta kito kiba don ka jingduna ha ki dkhot met.
Kumba ka long mynta ka sorkar kala pynkhreh ia ka jingbuh ryntih kumba la bthah da ka iingbishar bad ka sorkar kala pynkhreh ia kane bad kin sdang ia kynduh shuh shuh ban ia kren shuwa ba kin phah ia ka Affidavit sha iing bishar.
