Shillong, Jylliew 18: Ka ophis jong ka Deputy Commissioner jong ka East Khasi Hills District mynta ka sngi kala pyntip ba la ioh ia ka met jong u bah Robino Kynter ha ka shnong Kenmynsaw u ba la shah ban ha ka jingtwa khydnew ha ka sngi thohdieng.
Kiwei ki jingjia hapoh jong ka East Khasi Hills District na kane ka jingshah lynshop ha ka mariang ka long ba ka iing jong ka kong Pyntngen Khongsit na ka shnong Kshaid ba hap hapoh jong ka Laitkroh Khatarshnong Block kala jot na ka jingtwa khyndew.
Ka jingkieng iaid kjat ha Sonatola kaba hap hapoh jong ka Mawsynram Block kala shah rongnoh ha ka umsaw, ka jingkieng iaid kjat ha Suktia kaba hap hapoh jong ka Shella Bholaganj kala shah pynjot ha ka jingrong ka umsaw.
Ka ophis jong u Executive Director ka State Disaster Management Authority ka sorkar Meghalaya la pyntip ba ha kine ki 24 kynta mynta ka sngi ka 18/6/2022 ki briew kiba la duh ei ia la ka jingim ki don 1 kine ki dei kiba khlad ha ka sngi Thohdieng, ki shnong kiba la shah ktah na ka jinglynshop ka mariang ki long 20 tylli.
Ki briew kiba la shah ktah na kane ka jinglynshop ka mariang mynta ka sngi pat ki long 134 ngut ha ka jylla baroh kawei, ha kane ka sngi ym don ba mynsaw ne jah na ka jinglynshop ka mariang.
