La ioh kem ki pulit ia u runar ba setslung ia ka samla na Shillong ha Merut, Utter Pradesh

Shillong, Nailur 06: Ki pulit jong ka jylla Meghalaya kila iathuh ba la ioh ban kem ia u briew ba la rah ia kawei ka samla kaba East Khasi Hills da u wei u ba ia treilang na Delhi sha Merut ha Utter Pradesh.

Ia kane ka samla kaba la ioh ban pynlait na kti jong u riew sniew ba la setslung ia, la buh ia ka ha ka jaka sumar jong ka sorkar bad ban pyndep ia ki jingdon kam katkum ka ain.

Na ka liang ka tnad pulit na Shilong kala iathuh ba ha ka 26th Nailur 2020 la ioh ia ka jingthoh kaba la ai ejahar ha Madanriting police station ha kaba la pyntip ba kawei ka kynthei kala mih na Shillong ban leit trei sha Delhi ha ka 7th Kyllalyngkot 2020 ban trei ha kawei ka kompeni shimet.

Ha kane ka jingujor la batia ba u wei na kiba ia treilang u la shoh la dat ia ka ha dien ba u la rah ia ka sha Merut ha Utter Pradesh. Ha dien ba la ioh ia kane ka jingujor na ka liang ki pulit Meghalaya kila phah ia kane sha u Superintedent ki pulit ka Merut ha Utter Pradesh ban leh ia kaba don kam.

Na ka liang jong ki pulit jong ka Merut kila shim khia ia kane ka jingujor bad kila ioh ban pynlait ia kane ka samla na East Khasi Hills District ha dien ba la ioh ban pynlait ia ka la rah noh sha ka jaka sumar bad ia u nongleh kam sniew la kem bad la register ejahar pyrshah ia u ha ki ar tylli ki kyndon.

Na ka liang jong ki pulit ka Madanriting  kila pynpaw ruh ia ka jingsngewnguh ia u MLA jong ka Nongkrem u bah Lambor Malngniang u ba la shim khia kane ka kam bad haduh ban da ioh ban pynlait ia kane ka samla.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet