Shillong, Lber 11: Ka Seng Samla Mawkhar ha ka sngi saitjain kata ha ka 9 tarik mynta u bnai, kala jied ia ki nongkitkam bathymmai ka jong ka na ka bynta ka samoi treikam jong u snem 2019-2023.
Ha kane ka jingialang kaba la long ha iing dorbar jong ka shnong Mawkhar,hapoh ka jingpyniaid jong u Rangbah Shnong u Bah Arwan Tariang ryngkat u Secretary bad ki Executive Member jong ka Dorbar Shnong Mawkhar ki lah jied ia ki nongkitkam bathymmai jong ka Seng Samla Mawkhar kiba kynthup ia u President u Bah Pynshaiboklang Diengdoh, Vice – President u Samla Larry Najiar bad Samla Aida War.
Ia ka kam General Secretary la pynkhamti ha u Bah Arkibor Ranee, Assistant Secretary u Samla Eamon Nongrum, Assistant Secretary,u Samla Damelari Ryntathiang, Social Secretary u Samla Paul Ranee, Assistant Social Sect u Samla Arkin Khonglam, Sport Secretary u Samla Nathaniel Chyne, Assistant Sport Sect ka Samla Aitisha Diengdoh, Education Secretary Samla Marbin Tariang, Assistant Education sect Samla Iada Warjri, Publicity Secretary Samla Ivanstar Lyngwa, Assistant Publicity Sect Samla Bull Nongrum bad u Treasurer Samla Balamphang War.
Nalor kane la jied ruh ia ki 4 ngut ki Adviser bad 14 ngut ki Executive Member, U President ka SSM u Bah Pynshaibok Diengdoh u la ai khublei ia u Rangbah Shnong bad ia ki Executive Member kiba la kloi ban ia don rynkat ha katei ka sngi bad u la kyntu ruh ia baroh ki dkhot kiba shah jied thymmai ba kidei ban ia shimkhia ne mih ryntih ha kino kino ki kam kaba ka Seng Samla ka donkam bad kim dei ban shu sngewsarong tang ia ki kyrdan kaba ki bat hynrei ban trei lem na ka bynta ka bha ka miat ha ka shnong ka thaw baroh kawei.
