Shillong, Nailur 06: Ka North East Forum for Indigineous People (NEFIP) ka kynhun synrop Jong bun tylli ki sengbhalang ka dong Shatei Lam Mihngi bad ia ka Jylla Meghalaya la mihkhmat da ka CoMSO ka la pynlong ia ka Federal Assembly ba nyngkong eh ha Aizawl, Mizoram ha ka 5 bad 6 tarik Mynta u bnai.
Ha kane ka jingialang la pdiang ia ka Riti treikam ka NEFIP (NEFIP Charter) bad la jied ruh ia ki nongkitkam ba pura jong ka . Kat Kum ka Riti pyniaid Kam , ka NEFIP Kan Don ia ka Federal Assembly kaban dei ka dorbar ban shim ia ki Rai ba kongsan bad yn pyntreikam ia kita ki Rai da ka Central Executive Council .
Ha ka Federal Assembly yn don u Speaker , Dy speaker bad u Assembly Secretary. La jied ia u Mr Lalruatiana Fanai na Mizoram Kum speaker, Mr Jones Ingti Kathar (Rtd IAS) Kum u Dy Speaker na Assam bad u Peter Twiprasa na Tripura Kum u Assembly Secretary.
U Ningthouja Lancha na Manipur u lah shah jied kum u President bad u Robertjune Kharjahrin na Meghalaya un long u Secretary General ka NEFIP, ki ban long ki nongialam ba ha khlieh duh ka NEFIP. Yn don hyniewngut ngut ki Vice President bad uwei na ka Wei ka state bad na Meghalaya la jied ruh ia u Nickman ch Marak kum u Vice President bad ia u Bandari Ryntathiang Kum u Secretary Finance.
Ha Kane ka jingialang , la iarai biang ban pyrshah dohiap ia ka Citizenship Amendment Bill, ka NEFIP Kan kyrshan ia ki jylla ba dawa ILP bad NRC , la Rai ruh ban shimkhia ban dawa ba dei ban pyntreikam noh ia ka UNDRIP bad ka NEFIP ka la pynpaw ruh ia ka jingkyrshan ia ka Mizoram Registration of Household Bill kaba dei ka Ain ban iada ia ka Jing ioh long trai shnong ki poiwir ha Mizoram kaba Mynta u Governor ka Mizoram u dang buh teng ban ai ka Jing mynjur.
